هند 20 میلون دالرلیک 92 لایحه کیلیشووگه افغانستان حکومتی بیلن قول قویدی. مذکور شرطنامه‌گه کوره، اوشبو لایحه‌لر تورلی بولیم‌لر جمله‌دن رواجلنتیریش، اورگه‌تیش و ساغلیق ساحه‌لریده صرفلنه‌دی.
حکومت‌نینگ اجراییه باشلیغی عبدالله عبدالله، اوشبو کیلیشووگه قول قوییب ایتیشیچه، پروژه‌لر اوزاق حدودلرده جایلشگن ولایت‌لرده عمل‌گه آشیریله‌دی دیگن.
افغانستان‌ده هندنینگ ایلچی‌سی من‌پریت هورا مذکور کیلیشووگه افغانستان ساغلیق‌نی سقلش وزیری، ایکینچی‌لیک، قیشلاقلرنی رواجلنتیریش، فواید‌عامه، اجتماعی ایشلر، برق و انرژی، معارف، عالی تحصیلات، خاتین – قیزلر، قاچقینلر ملی ارگانلر و تربیت بدنی عمومی ریاست‌لری رسملری اشتراکی‌ده قولگن قویلگن.
ییغین‌ده اشتراک قیلگن عبدالله‌عبدالله، هند افغانستان اوچون ییریک یاردم کورستگن مملکت بولگنی باره‌سیده ینه بیر بار تاکیدله‌گن.
بوندن نیچه وقت آلدین هند باش وزیری افغانستان‌گه سفر قیلیب مملکتی مالیوی یاردمی بیلن قوریلگن افغانستان ملی کینگش بناسینی آچیب بیرگن ایدی.
شونینگ‌دیک یقین کیله‌جکده هندوستان باشقه 70 لایحه‌نینگ مبلغی‌نی توله‌شی ایتیله‌دی. بو لایحه‌لرنینگ مبلغی 25 میلیون دالر تخمین ایتیگلن.
افغانستان و هندوستان رهبرلری 2011- ییلده ایکی مملکت ارا همکارلیک‌لر مستحکم له‌نیشی اوچون شرطنامه‌گه قول قویگن ایدی.
اوتگن 14 ییل ایچیده هندوستان تورلی ساحه‌لرده افغانستان حکومتی‌گه ایکی میلیار دالر همکارلیک قیلگن. امریکه، المان، جاپان و بریتانیادن سونگ هند بیشینچی مملکت صفیده افغانستان حکومتی اولکن همکارلیک قیلگنی ایتیله‌دی.
