هلمند مدنی جماعه‌چیلیک فعال‌لری و ولایتی کینگش نماینده‌لری، بوندن نیچه وقت آلدین جمهور رییس‌لیک سرایی تامانیدن ولایت وضعیتی‌نی تیکشیریش اوچون مذکور ولایت‌گه کیلگن هیات‌لر تاپشیریلگن ایشلرنی بجرمس‌دن یوتوق‌سیز کابل‌گه قیتگن‌لر دیگن‌لر.
اولرنینگ ایتیشیچه، ملی مجلس همده حکومت یوقاری مرتبه‌لی رسمیلریدن تشکیل ایتیلگن بیر گروه هیات اخیرگی وقت‌لرده هلمندگه یوباریگن لیکن بجرگن ایشی نتیجه‌سیز بولگن.
هلمند ولایت کینگشی‌نینگ اورین باسری عبدالمجید آخندزاده‌نینگ ایتیشیچه، سونگی آلتی آی‌دن بیری ولایت‌نینگ تورلی منطقه‌لریده اوروش جریانی بار؛ اما، حکومت تامانیدن وضعیت تیکشریلیشی اوچون اوز باشیمه هیات تعین ایتیلیب، لیکن امنیت تامین بولیشی اوچون فایده‌سیز دیر.
هلمند ولایتی کینگش‌نینگ خوف‌سیزلیک کمیته‌سی باشلیغی بشیراحمد شاکرگه کوره، بوتون دنیا ولایت‌نینگ وضعیتی‌دن خبری بار، بیراق مرکزی حکومت تامانیدن کیلگن هیت حقیقت‌نی تاپیش اورنی‌گه اهالی کوزیگه توپراق اوره‌دی.
شونینگ‌دیک آخندزاده، ولایت کینگشی موجود بولگن حالده، بونده‌ی هیات‌لرگه احتیاج یوق دیگن.
عین حالده، ولایت مدنی فعال‌لری، هلمند ده‌گی اوروش نیچه ییل‌دن بیری دوام ایته‌دی، اما، ولایتده اوروش‌گه پایان بیریلیشی اوچون قنده‌ی معین لایحه ایشلب چیقاریلمه‌گن دیگن‌لر.
هلمند ولایت والیسی‌نینگ سوزلاووچی‌سی عمر زواک، حکومت تامانیدن قطار هیات‌لر کیلگن لیگی‌نی تصدیق‌له‌گن، بیراق هیات ایشی نتیجه‌سی باره‌سیده هیچ نرسه معلومات بیرمه‌گن دیگن.
مذکور هیات‌لردن بو توغریده جواب آلیش اوچون آلیب بارگن سعی وحرکتی‌میز نتیجه بیرمه‌دی.
افغانستان حکومتی هر دایم مملکت‌نینگ هر بیر ولایتی‌ده حادثه یوز بیرگن‌دن سونگ مرکزدن هیات یوباریش‌گه سعی وحرکت قیله‌دی؛ لیکن حکومت‌نینگ بو حرکتی دییرلی نتیجه آلیب کیلمه‌گن.
