طالبان گروهی نینگ مذاکره قیلهدیگن اعضالریدن بیری نینگ آسوشیتدپرس گه ایتیشیچه، مذکور گروه ملمکت گه تیگیشلی کتته و کینگ قرارلرگه اَرهلشیش اوچون افغانستانلیکلرارا سوزلشوولرگه کوچلی اعضالرنی تعیین قیلگن.
طالبان گروهی نینگ اوشبو اعضاسی اوتگن کون (یکشنبه ۲- سنبله) مذکور خبری آژانسی گه ایتیشیچه، طالبان رهبری ملاهبتالله آخندزاده مذاکره اوچون ۲۰ کیشیلیک هیات تعیین قیلگن کیم اولردن ۱۳ تهسی طالبان گروهی نینگ رهبرلیک اعضاسی دیر.
باشقه بیر تاماندن طالبان گروهی نینگ مذاکره قیلهدیگن هیأت رهبری شیرمحمدعباس استانکزی بو خبرگزارلیککه ایتیشیچه، مذاکره قیلهدیگن هیأت کوندهلیک برنامهلرنی تعیین قیلیش، استراتیژی توغریسیده قرار آلیش و نهایتده افغانستان دولتی نینگ سیاسی رهبرلری بیلن کیلیشوونامه امضالهنیش گه صلاحیتی بار.
استانکزی نینگ کوپهیتیریشیچه: «بو گروه کوچلی دیر و مذاکره قیلهدیگن هیأت بیلن قرار آلیش گه ییترلیچه صلاحیتی بار.»
افغانستانلیکلرارا سوزلشوولرنینگ بیرینچی دوری جاری میلای ییل ۲۰- اگست گه دوحه ده باشلهنیشی گه قرار قیلینگن ایدی، بیراق بو پروسه کوپ آرتده قالدیریلدی.
افغانستان دولتی نینگ ایتیشیچه، دولت قماقخانهلریده بولگن طالبان محبوسلری بوتونلی، قوییب یوباریلگن، بیراق طالبان نظارتیده بولگن امنیتی کوچلر قوییب یوباریلمهگن. جمهورلیک ریاستی نینگ اورغولشیچه، امنیتی کوچلر محبوسلرینی طالبان تامانیدن قوییب یوباریلمهگنی افغانستانلیکلر ارا سوزلشوولرگه قرشی کتته توسیق دیر.
بیراق، بوندن آلدین طالبان گروهی، نظارتلریگه بولگن امنیتی کوچلردن 1000 تهسینی قوییب یوباریلگنیدن خبر بیرگن ایدی.
نیچه پیت آلدین جمهورلیک ریاست سوزلاوچیسی صدیق جناب نینگ ایتیشیچه، افغانستان دولتی تامانیدن تعیینلنگن مذاکره قیلیووچی هیات تیار دیر و طالبان گروهی هم مذاکره اوچون تیار بولیشی کیرهک. بیراق طالبان گروهی 400 محبوسلرینی قوییب یوباریلیش جریانی توختهتیلیشی نی افغانستانلیکلرارا سوزلشوولرگه توسیق دیگنلر.
تینچلیک بوییچه مصلحتی لویهجرگه قراریدن سونگ، دولت نظارتیگه بولگن طالبان محبوسلریدن 80 تهسی قوییب یوباریلگن و بو گروه نینگ باشقه محبوسلری نی قوییب یوباریلیش جریانی توختهتیلگن.
