هلمند ولایتیده 400 مکتب و دینی مدرسه موجود و بو جملهدن 119 مکتب یاپیق دیر.
هلمند ولایتینینگ معارف ریاستی باشلیغی داوودشاه صفارینینگ ایتیشیچه، مذکور مکتبلر قیتهدن آچیلیشی اوچون سعی و حرکتلر دوام ایتماقده و حاضرگچه 6 مکتب قیتهدن آچیلگن.
جناب صفارینینگ کوپهیتیریشیچه، ناتینچ تومنلردن درس اوچون ولایت مرکزی گه کیلگن اوقووچیلردن بیرقطاری گه مرکز و گرشک تومنیده یاتاقخانه هم توزهلگن. بیراق اونینگ ایتیشیچه، هلمند ولایتی معارف توغریسیده اوقیتووچی کملیگی گه روپهره بولگن و بو توغریده دولت دقت قیلیشی کیرهک.
عین حالده، هلمند ولایتینینگ ایریم تومنلریده طالبان گروهینینگ فعالیتی باعث، اوقیشدن محروم بولگن اوقووچیلر، دولتدن طالبلر بیلن کیلیشیب و قیتهدن اولرگه اوقیش زمینهسی یرهتیلیشینی طلب قیلهدیلر.
شوندهی بیرحالده، هلمند ولایتینینگ معارف ریاستینی مسؤوللری، ینگی تعلیمی ییل باشلهنیشی توغریسیده تیارگرلیکلر آلینگنیدن خبر بیریب ایتیشیچه، هلمند یشاوچیلریدن بیرقطاری، اولرنی ظرفیتسیزلیک و معارف ده فساد موجودلیککه عیبلیدیلر و بو عیبلاولرنی هلمند معارف ریاستینینگ مسؤوللری، بو ریاستنینگ سابق مسؤوللرینی بوینیگه تشلهیدیلر.
هلمند معارف ریاستینینگ مسؤوللرینی معلوماتی اساسیده، حاضر مذکور ولایتنینگ مکتبلریده 200 مینگدن آرتیق اوقووچی درس اوقیدی و بو جملهدن 49 مینگ تهسینی قیزلر تشکیل بیرهدی.
