.jpg)
بلخ ولایتیده عدالت ایستهش و تینچلیک سوزلشوولرده عیاللر اورنینی بیللی قیلیش اوچون «عیاللر، تینچلیک و خوفسیزلیک» نامیده بیر ییغین یولگه قوییلگن.
اوشبو ییغین، فعال عیاللر و دین عالملر حضوری بیلن افغان عیاللر تعلیمی مرکزی تامانیدن بلخ ولایتیده یولگه قوییلگن.
بو ییغینده اشتراک قیلگن قطار عیاللرنینگ ایتیشیچه، عیاللرنی مملکت تقدیری خصوصیده آلینهدیگن قرارلرده سهیم بولیشی کیرهک.
مذکور ییغینده اشتراک قیلگنلردن بیری لطیفه انصاری نینگ ایتیشیچه، تینچلیک سوزلشوولرده عیاللر اورنی کوپهیشی خصوصیده، ملی بیر اجماع یولگه قوییلیشی کیرهک.
خانم انصاریگه کوره، تینچلیک سوزلشوولرده عیاللرگه کوپراق اورین بیریلگن صورتده، مملکتده تینچلیک تامین ایتیلیشی ممکن.
بو ییغینده اشتراک قیلگنلر، 18 ییللیک یوتوقلرنینگ سقلهنیشی اوستیگه تاکید قیلگنلر.
.jpg)
بلخ ولایتیده افغان عیاللر تعلیمی مرکزی نینگ مسوولی اورنگ صافی نینگ ایتیشیچه، افغانستان عیاللری تینچلیک و خوفسیزلیک شامل بوتون بولیملرده یخشی یوتوقلرگه قول تاپگنلر.
عیاللردن حمایت قیلووچی قطار نهادلر و دین عالملر، تینچلیک سوزلشوولرده عیاللرگه کوپراغ زمینه یرهتیلیشی اوستیگه تاکید قیلگنلر.
بلخ ولایتیده حج و اوقاف ریاستی نینگ مدرسهلر مدیری مولوی عبدالحنان نینگ ایتیشیچه، تینچلیک سوزلشوولرده عیاللر اورنی جدی نیازلردن دیر.
اوتگن 18 ییل جریانیده افغانستان عیاللری ایریم بولیملرده کوپینچه یوتوقلرگه قول تاپگن، بیراق حاضرده هم عیاللرگه قرشی قطار قینچلیکلر موجود دیر.
مملکتده عیاللر حقلریدن حمایت قیلووچی نهادلرنینگ ایتیشیچه، تورلی بولیملر جملهدن تینچلیک سوزلشوولرده عیاللرگه فرصت بیریلگن صورتده، اولر کوپینچه یوتوقلرگه قول تاپه آلهدی.
