هلمند ایکینچی‌لری و باغدارلری هر ییل محصولات‌لری اوچون بازار یوقلیگی دن شکایت قیلیشه‌دی. اولرنینگ ایتیش‌لریچه، محصولات کوتریش موسومی باشلنگنده، بهاسی قوییب توشه‌دی و منفعت اورنی گه زیان ییتکیزه‌دی.
بیراق، هلمند ولایتی ایکینچیلیک ریاست مسؤوللری نینگ ایتیش‌لریچه، بو ییل تربوز نی مملکت حربیسی گه ساتیش توغریسیده مرکز بیلن سوزلشوولر دوام ایتماقده و ملی تدارکات جریانی یکونلنگنیدن سونگ، اوشبو ولایت ایکینچی‌لریدن تربوز ساتیب آلینیب و حربی گه ساتیله‌دی.
هلمند ولایتی ایکینچیلیک ریاست باشلیغی زلمی الکونینگ ایتیشیچه، بو ایش تربوز بهاسی کوتریلیشی و ایکینچی‌لر محصولات‌لریدن فایده‌لنیشی گه سبب بوله‌دی.
شونینگدیک، الکونینگ کوپه‌یتیریشیچه، بو قرار هلمند تربوزی نینگ اهمیتی سقله‌نیشی و افلاسلنیشی نینگ آلدی آلینیشی گه باعث، بوله‌دی.
هلمند ولایتی ایکینچیلیک ریاستی نینگ برنامه‌لرینی مسؤولی سید رفیع‌الله قلم نینگ ایتیشیچه، حربی کوچلرگه تربوز ساتیش اوچون ییترلیچه تیارگرلیک آلینگن.
جناب قلم گه کوره، بو ییل هلمند ولایتیده چمه‌سی 2250 هکتار ییرگه تربوز ایکیلگن و حاصلی کمه 69 مینگ و 750 تُن بولیشی ممکن.
ایتیش کیره‌ک کیم، دولت ایکی ییل آلدین میدان‌وردک المه‌سینی خوفسیزلیک کوچلری نینگ آذیق-آوقتی گه شامل قیلگن ایدی.
