هلمند ولایتی کینگشی باشلیغی عطاالله افغان نینگ سلام‌وطندارگه ایتیشیچه، اوتگن کیچه طالبان مذکور تومن نینگ تانکی منطقه‌سیده‌گی بیر امنیتی پوسته اوستیگه هجوم قیلگن.
جناب افغان گه کوره، چیت‌ایل کوچلر امنیتی کوچلرنینگ یاردم اوچون هوایی هجوم یولگه قویگن کیم مذکور ناتوغری هجوم‌ده امنیتی کوچلر گه تلفات ییتشگن.
افغان نینگ کوپه‌یتیریشیچه، مذکور هجوم‌ده 15 پولیس هلاک و باشقه 14 پولیس تن جراحتی کوتارگن.
اونینگ معلوماتی اساسیده، هلاک بولگنلر آره‌سیده هلمند قتناو یولی کندکی قومندانی قلندر ماما گه تانیقلی سمونوال حاجی گران شامل دیر.
هلمند حاکمی سوزلاوچیسی عمر زواک اوشبو حادثه نی تصدیقلب ایتیشیچه، دستلبکی معلوماتلر اساسیده، 12 پولیس هلاک بولگن.
عین حالده، شونینگدیک ایچکی ایشلر وزیرلیگی سوزلاوچیسی نصرت رحیمی 8 پولیس هلاک و 11 پولیس تن جراحتی کوتارگنینی تصدیقله‌یدی و حادثه تفصیلاتی اهالی بیلن شریک قیلینیشی ممکن دیدی.
