ساغلیک‌نی سقلش وزیرلیگی رسمی‌لری نینگ معلوم قیلیش‌لریچه، پایتخت کابل یشاوچی‌لریدن 35 فایزی تنباکو استفاده قیله‌دی. 31 می خلق ارا چیکیش منع قیلیش مناسبتی بیلن اوتکزیلگن ییغینده ساغلیک‌نی سقلش وزیرلیگی ساغلیک خذمتی اورین باسری ناجیه طارق نینگ ایتیشیچه، مملکت بویلب یاش ییگیت‌لردن کوپلب قیز- اوغیل‌لیککه قره‌مسدن تنباکو استفاده قیله‌دیلر.
خانم طارق نینگ معلوم قیلیشیچه، تنباکو و چیکیش ماده‌لریدن استفاده قیله‌دیگن‌لردن 80 فایزی کم درآمد و اورته‌لیک ممکت‌لر یشاوچی‌لری بولگن؛ نیگه‌دیگنده، مذکور مملکت‌لرده چیکیش ماده‌لری ارزان و تیزلیک‌ده قولگه کیلتیریله‌دی.
خلق ارا ساغلیک‌نی سقلش تشکیلاتی نینگ تحقیقاتی‌گه کوره، ییلی‌ده 6 میلیون انسان تنباکودن استفاده قیلیشدن جان بیره‌دیلر. بو جمله‌دن 5 میلیون مذکور ماده‌دن چیکیش و 6 یوز مینگ کیشی ایسه تنباکو چیکووچی‌لر یانیدن ایسکش‌لری بیلن عالم‌دن اوته‌دیلر؛ ساده چه قیلیب ایتگن‌ده هر 6 ثانیه‌ده بیرکیشی تنباکودن استفاده قیلیشی بیلن حیاتینی قولدن بیره‌دی.
مراسم‌ده محیطنی یخشی سقلش ملی اداره‌سی باشلیغی مصطفی ظاهر، نماینده‌لر کینگشی اعضالری، خلق ارا ساغلیک‌نی سلقش نماینده‌لری و حکومت رسمی‌لری قتنشگن.
.jpg)
مملکت بویلب تنباکوگه قرشی قانون تصویب و توشیح قیلینیش یونه‌لیشی جدی حرکت‌لردن دیب معلوم قیلینه‌دی.
مذکور قانونده تنباکودن توزه‌تیلگن محصولات‌لر ریکلامه‌سی منع بولیش، اوشبو گیاه‌نینگ مادی و معنوی دستکلنمس‌لیگی، ایشلب چیقاریلیشی و کسلخانه‌لر، دولتی و نا دولتی اداره‌لر، رستورانت‌لر و هوتل‌لرده اوندن ایش آلینمس‌لیگی‌گه تأکید بولگن.
شو پیت‌ده افغانستان مذکور ماده خلق ارا منع کونی‌دن تجلیل قیله‌دی که مملکت بویلب ایریم شکل‌لری و ییریک یاریتیلیشی بیلن بو ماده دن استفاده قیلینه‌دی. ایتیلیشیچه، دنیا بویلب باله‌لرنینگ یریمی تنباکو دودی قوشیلگن هوادن تنفس قیله‌دیلر و ییل‌لب 200 مینگ‌گه یقین کیشی تنباکو دودی قوشیلگن هوادن تنفس قیلیش‌لری سبب تورلی کسل‌لیکلرگه یولیقیب جان بیره‌دی.
علمی اورگه‌نیشلر کورسه‌تیشیچه، تنباکودن استفاده قیله‌دیگن‌لر قان تامیرلری باره باره قاته‌دی و نهایت‌ده یوره‌ککه باره‌دیگن قان تامیرلری کومیلیشی بیلن یوره‌ک آغریغی‌گه یولیقیب قالیشی ممکن.
