هرات ولایتی یشاوچیلریدن یوزلرچهسی دین عالملر، مدنی فعاللر و اوقووچیلر شامل بیر کته نمایش یولگه قوییب، مملکت امنیتی کوچلریدن حمایت بیلدیرگنلر.
اوشبو نمایش (یکشنبه کون) هرات شهری ملانا جلال الدین بلخی تالاریده اوتکزیلگن، اشتراکچیلر پاکستانگه قرشی شعار بیریب، مذکور مملکتنی تروریستی گروهلردن حمایت ایتیشگه عیبلب اورغولشلریچه، حاضرگی شرایطده امنیتی کوچلردن حمایت ایتیش، هر بیر افغانستان یشاوچیسینینگ مسؤولیتی دیر.
اشتراکچیلرنینگ ایتیشیچه، مملکت امنیتی کوچلری خلق تامانیدن حمایت بولگن صورتده، عصیانچی طالبلر و چیت ایللیک طرفدارلریگه پیام ییتکیزهدی کیم، افغانستان یشاوچیلری هیچ قچان اولرگه مقصدلریگه ایریشیشگه رخصت بیرمهیدی.
اوشبو نمایش سوزلاوچیلری، مملکت جمهور رییسیدن، اوروش میدانیده امنیتی کوچلر تامانیدن توتقونگه آلینگن عصیانچی طالبلرنی قوییب یوبارمسلیگینی سورهدی.
اولرنینگ ایتیشیچه، حکومت تامانیدن طالبلرنینگ قوییب یوباریلیشی نه فقط امنیتی کوچلر شهیدلریگه حرمتسیزلیک بولهدی، بلکیم حکومتنی بو حرکتی طالبلرگه قرشی اوروش میدانیده کورهشیب تورگن امنیتیکوچلر اوستیگه سلبی تأثیر تشلهیدی.
هرات امنیه قومندانی عبدالمجید روزی، اوشبو نمایشگه سوزیوریتیب ایتیشیچه، افغانستان امنیتی کوچلری اوز سوزلریگه عمل قیلگن و مملکتدن دفاع قیلیش اوچون طالبلرگه قرشی کورهشهدی، بیراق بو کوچلرنینگ طالبلر و باشقه دشمنلر برابریده یوتوقلیککه ایریشیشی، خلق حمایتیگه باغلیق بولگن.
ایکی ییلدن بویان، افغانستان یشاوچیلری، مملکت ایریم منطقهلریده کته نمایشلر یولگه قوییب، مملکت امنیتی کوچلریدن حمایت قیلیب کیلگنلر. جاری ییل باشلنگنیدن بویان هرات ولایتیده بو ایکینچی نمایش بولیب، خلق تامانیدن امنیتی کوچلردن حمایت ایتیش خصوصیده یولگه قوییلگن.
