.jpg)
هرات ولایتی‌نینگ گمرک ریاستی و صنعت و سوداگرلیک اتاقی مسؤوللری‌نینگ اییتشیچه، اسلام‌قلعه گمرکی‌ده تیکشیرووچی ماشین‌لر فعالیت‌دن قالگنی باعث، فساد میزانی آشگن و مافیا تشکیلات‌لری اوشبو ماشین‌لر قیته فعال بولمه‌سی توغریسیده سعی و حرکت قیله‌دیلر. بیراق، مالیه وزیرلیگی گمرکات ریاستی‌نینگ ایتیشیچه، تیکشیرووچی ماشین‌لرنی قیته قوریش قراردادی چیت ایللیک بیر شرکت گه تاپشیریلگن و یقین آره‌ده اولرنی قیته قوریش ایشی باشلنه‌دی.
هرات ولایتی‌نینگ اسلام‌قلعه گمرکی‌ده تیکشیرووچی ماشین‌لر، نیچه ییل آلدین سوداگرلیک تَورلرنی تیکشیریش نیت‌ده فعال بولگن، لیکن اونچه وقت اوتمه‌ی بو ماشین‌لر فعالیت‌دن قالگن.
هرات ولایتی‌نینگ صنعت و سوداگرلیک اتاقی اورین باسری عبدالودود فیض‌زاده گه کوره، اسلام‌قلعه گمرکی‌نینگ تیکشیرووچی ماشین‌لر نیچه ییل‌دن بویان ایش‌دن قالگن و حکومت اینیقسه مالیه وزیرلیگی، اولرنی قیته‌دن فعال قیلیش اوچون هیچ بیر ایش قیلمه‌گن. هرات ولایتی صنعت و سوداگرلیک اتاقی اورین باسری‌نینگ کوپه‌یتیریشیچه، تیکشیرووچی ماشین‌لر سوداگرلیک تَورلر قانونی و ناقانونی بولگنینی بیللی قیلیش اوچون آلیب کیلینگن. فیض‌زاده گه کوره، اوشبو ماشین‌لر ایش بیرمه‌گنی باعث، اسلام‌قلعه گمرکی‌ده فساد میزانی آشگن.
.jpg)
هرات ولایتی‌نینگ گمرک ریاستی باشلیغی محمدانور رحمانی، اسلام‌قلعه گمرکی‌ده تیکشیرووچی ماشین‌لر فعالیت‌دن قالگنینی قبول قیلیب ایتیشیچه، مالیه وزیرلیگی‌دن نیچه مرته اوشبو ماشین‌لر قیته قوریلیشی‌نی ایسته‌گن‌لر، بیراق مالیه وزیرلیگی بو توغریده هیچ قنده‌ی دقت قیلمه‌گن. هرات گمرکی باشلیغی‌نینگ ایتیشیچه، مافیایی تشکیلات‌لر اسلام‌قلعه گمرکی‌ده تیکشیرووچی ماشین‌لر فعال بولمه‌سی توغریسیده سعی و حرکت قیله‌دیلر.
مالیه وزیرلیگی گمرکات باشلیغی احمد رشاد پوپل گه کوره، مملکت ولایت‌لریده 28 تیکشیرووچی ماشین قیته قوریلیش پروژه‌سی تصدیق‌لنگن و اولرنی قیته قوریش قراردادی چیت ایللیک بیر شرکت گه بیریلگن و سونگی آدیم تیکشیرووچی ماشین‌لرنی فعال قیلیب و فعال سقلش دیر.
مالیه وزیرلیگی گمرکات باشلیغی‌نینگ ایتیشیچه، اوتگن بیر ییل‌ده تیکشیرووچی ماشین‌لرنی قیته قوریش قراردادی تورت مرته اعلان گه کیتگن، بیراق ناتینچلیک‌لر باعث، هیچ بیر چیت ایللیک شرکت اوشبو تیکشیرووچی ماشین‌لرنی قیته قوریش قراردادینی آلیش‌گه حاضر بولمه‌گن.
