نمایندهلرمجلسیده کیلیب قیشلاقلر یوکسهتیش وزیری نصیراحمد درانی نینگ ایتیشیچه، ۱۳۹۶- ییلده شهرداشلر تینگ کوریش برنامهسی باشلنهدی، اونگه کوره، بوتون افغانستانده ۱۲ مینگ قیشلاق یوکسهتیش لایحهسی ایشی باشلنهدی.
جناب درانیگه کوره، کیلگوسی ییلده بولر ۵۴۸ کیلومتر یولنی قیر، ۳۹۹۲ سوو ایتکزیش مرکزی و سوو قودوقلری و شونینگدیک ۹۰ بنیادی پروژهنی تکمیل قیلیشلری ممکن.
نمایندهلرکینگشی نینگ بوگونکی اولتیریشیده، قیشلاقلر یوکسهتیش، عیاللر، حج و اوقاف وزیرلری و اخبارات و مدنیت و معارف وزیرلیکلری معینلری کیلیب کیلهسی ییلده بولهدیگن ییللیک گزارشلرینی ارایه قیلدیلر.
عیاللر وزیری دلبر نظری نینگ ایتیشیچه، کیلگوسی ییلده عیاللرگه تیگیشلی بوتون قانونلرگه اوگزریش کیلتیرهدی و بونگه تیگیشلی اولتیریش لر و کیرهکلی نرسهلر اوستیگه ایشلهشی ممکن.
معارف وزیرلیگی معینی سیدحمیدالله کیلگوسی ییلده ۱۶ مینگ ینگی اوقیتوچی آلینیشینی مذکور وزیرلیک اساسی ایشلریدن ایکنلگینی بیان قیلدی. جناب حمیدالله گه کوره، کیلهسی ییلده ۴۹میلیون کتاب باسیب چیقاریلیشی و مالی و خصوصی مکتبلر نظامینی کوریب اوتیش بیرینچی ایشلریدن بولهدی.
یوکسک تحصیلات وزیرلیگی معینی بری صدیقی هم خصوصی بیلیم یورتلرنینگ ریاستدن معینیتگه ایلتیش، مملکتدن تشقریده اوقیش زمینهسینی یرهتیش و کانکور سیناوی زمانی اوزگرتیریشنی مذکور وزیرلیک نینگ ۱۳۹۶- ییلگی ایشلریدن دیب معلوم قیلدی.
اخبارات و مدنیت وقتینچهلیک وزیری کمال سادات هم نمایندهلر مجلسی نینگ بوگونکی عمومی ییغینیده کیلگن ایدی، کیلهسی ییلده ایریم برنامهلرنی نظرده توتگنلیگینی بیان قیلدی. جناب ساداتگه کوره، مملکت یازووچیلری نینگ کتابلرینی معیارگه برابر چاپ قیلیش، مدنیت و هنر اوسیشیگه توجه قیلیش کیلگوسی ییلدهگی مذکور وزیرلیک برنامهلریدن ایکنلگینی معلوم قیلدی.
حج و اوقاب وزیری فیض محمدعثمانی هم وزیرمحمداکبرخان مسجدی قوشیمچه مملکت بویلب مسجدلرنی قیته قوریش ایشی و جمعه نمازی خطبهسی اوچون کتاب چاپ قیلیشنی کیلگوسی ییلدهگی برنامهلری دیب معرفی قیلدی.
