بوگون «یکشنبه» کابلده خبری بیر ییغین اوتکزگن افغانستان شفافیتینی کوزهتووچی ادارهنینگ 1398- ییل بودجهسینی مسودهسی توغریسیده ایتیشیچه، بودجهنی صرفلش جریانی ملی و مردمی جریاندن چیققن و حکومت و زوروانلر تامانیدن سوء استعمال ایتیلیشی ممکن.
افغانستان شافیتینی کوزهتووچی ادارهنی اجراییه باشلیغی سیداکرام افضلینینگ ایتیشیچه، بودجه ملی بیر حجت بولگنی باعث، عدالتلی شکلده صرفلنگن صورتده، اقتصاد رواجلنیشی و کمبغللیک کمهییشی گه سبب بولهدی؛ بیراق بودجه صرفلهنیش جریانیده فساد موجودلیگی باعث، افغانستان دولتسازلیگی و اجتماع اوستیگه اونچهلیک تأثیر قیلمهیدی.
جناب افضلینینگ ایتیشیچه، ملی بیرلیک حکومتینینگ دورانی درآمد توپلش کمیده ایکی برابر بولگن و شونینگدیک، 1397- ییل بودجهسینی صرفلش اوتگن ییللرگه نسبتن کوپهیگن، بیراق بو ایش اهالی تیریکچیلیگی و رواجلنتیریش پروژهلرنی اوستیگه هیچقندهی ایجابی تأثیر قویمهگن.
شفافیتنی کوزهتووچی ادارهنی ادعاسی گه کوره، 1398- ییل بودجهسینی کمیده 30% قندهی بیر مقصدگه صرف ایتیلیشی بیلگیلنمهگن. شو یوزهدن اولر نمایندهلر کینگشیدن بودجه صرفلهنیشی قندهی بیر شکلده بولگنی آچیقلنگونگهقدر بودجهنی تصدیق قیلمهسینی سورهگن.
شونینگدیک، ملی بودجهنی دادخواهلیک گروهی اعضاسی روشن سیرننینگ ایتیشیچه، 98- ییل بودجهسی جنسیت برابرلیگی اساسیده ایمس، بلکیم جنسیت نیازلری اساسیده تیارلنیشی کیرهک. خانم سیرن گه کوره، عیاللرنینگ امکانیتلشتیریش برنامهلر بودجه گه کیریتیلگونگهقدر، تطبیق ایتیلمهیدی.
بیراق، مالیه وزیرلیگینی سوزلاوچیسی شمعروزخان مسجدی، افغانستان شفافیتینی کوزهتووچی ادارهنینگ ادعالرینی رد قیلیب ایتیشیچه، بودجهنی توزهتیش جریانینی برچه بولیملریده مدنی ادارهلرنینگ نمایندهلری، اقتصادی ایش بیلرمانلر و سکتوری وزیرلیکلرنینگ نمایندهلری اشتراک قیلیب و مالیه وزیرلیگی بیلن توشونچهلرینی شریک قیلگنلر.
افغانستان شفافیتینی کوزهتووچی ادارهنینگ معلوماتی گه کوره، 1396- ییلگه نسبتن 1397- ییلده 24 فایز بودجه کوپراق صرفلنگن. شونینگدیک، 1393- ییل درآمدی توپلم شکلده 99 میلیارد افغانی گه ییتیشردی، بیراق 1397- ییل درآمدی توپلم شکلده 188 میلیارد افغانی گه ییتیشگن و بو رقم درآمد 89 فایز کوپهیگنینی کورستهدی.
