د هېواد په لویدیځ زون کې امنیتي ځواکونه وایي چې د ټاکنو بهیر د امنیت خونديتوب په برخه کې د وګړیو د بشپړ ډاډ په موخه يې له څه د پاسه ۸۰۰ تنو امنیتي او دفاعي ځواکونو د غبرګون قطعه جوړه کړېده.
دغو ځواکونه له پوځي وسایطو سره په ۲۰۷ ظفر قولاردو کې خپله ننداره وړاندې کړه او د ښار په بېلابېلو برخو کې له ګرځېدو وروسته خپلې قرارګاه ته ولاړه.
د هېواد په لودیځ کې د ۲۰۷ ظفر قولاردو قوماندان نورالله قادري د امنیتي ځواکونو له همدې نندارې وروسته وویل چې د امنیتي ځواکونو له دې نندارې څخه موخه ډ ټاکنو د بهیر د بشپړ امنیت تامین په برخه کې د وګړیو ډاډ حاصلول او د ښار له بېلابېلو برخو سره د امنیتي ځواکونو آشنا کول وو.
د ۲۰۷ ظفر قولاردو قوماندان د لویدیځ زون اوسېدونکیو ته ډاډ ورکوي چې د ټاکنو ورځې د امنیت خوندیتوب لهپاره د امنیتي ځواکونو عملیات او پلانونه د هرات، فراه، غور او بادغیس ولایتونو کې دوام لري چې خلک وکړای شي له وېرې پرته خپله رایه وکاروي.
د هرات والي محمدآصف رحیمي او د هېواد په لویدیځ کې د ۶۰۶ انصار زون قوماندان جمعهخان عدلي هم د ټاکنو د امنیت په خونديتوب ټینګار کوي او وایې چې دغه ځواکونه په ښې همغږۍ سره هڅه کوي چې په ټاکنو کې د خلکو ونډې لهپاره زمینه برابره کړي.
د ۶۰۶ انصار زون قوماندان وایې چې په فراه غور او بادغیس ولایتونو کې هم د امنیتي ځواکونو د ځواکمنتیا ښودنې برنامه پلې کېږي چې هراتیان د ټاکنو د امنیت خوندیتوب څخه ډاډ تر لاسه کړي.
