.jpg)
د هرات د تېلو او اوبلن ګازو رییس محمداصف علیزی وايي، د تېلو چاڼځای د دغه ولایت د انجیل ولسوالي په دشتحوض سیمه کې په ۱۵ میلیونه امریکايي ډالرو جوړ شوی دی.
د نوموړي په وینا، یاد چاڼځای په ۲۴ ساعتونو کې د ۴۵۰ ټنه تېلو د چاڼ ظرفیت لري چې د ښه کیفیت لرونکیو تېلو په برخه کې به د هرات ولایت اړتیاوې پوره کړي.
د «انصار» په نوم د تېلو په دغه چاڼځای کې اوس له ۱۰۰ ډېر کسان کار کوي او کېدای شي په راتلونکي کې یې د کارکوونکیو شمېر زیات شي.
.jpg)
د هرات د تېلو او اوبلن ګازو رییس وايي، دا په هرات کې د تېلو دویم چاڼّځای دی چې له ایران او ترکمنستان نه به ورته اومه تېل راوړل کېږي او دلته به چاڼېږي.
