راپورونه وايي، چې سږکال د هرات ولایت بېکیفیته نفتي توکو او ګازو په وارداتو کې ۷۰ سلنه کموالی راغلی دی.
د هرات ولایت د نورم او سټنډرډ ادارې مسوولین وايي، چې د اسلام قلعه او تورغونډي پر بندرونو د زیات نظارت او جدي څېړنو له امله په دغه ولایت کې د بېکېفیته نفتي توکو او مایع ګاز مخه په بېساري ډول نېول شوې ده.
د یاد ولایت د نورم او سټنډرډ ادارې سرپرست رییس عبدالواسع خادمي وايي، چې دوی په ذکر شویو بندرونو کې شعبې جوړې کړې دي او له همدې امله د نفتي موادو سوداګر کمکېفيته تېل نهشي واردولی.
خو خادمي اندېښنه څرګندوي، چې دغه سوداګر اوس کمکېفیته نفتي مواد د هغو ګاونډیو ولایتونو واردوي، چې د نورم او سټنډرډ ادارې پهکې نشته.
د نوموړي د معلوماتو لهمخې، د تېرکال له وروستیو درېيو میاشتو راهیسې هرات ولایت ته د ۸۰ ټانکرو بېکېفیته نفتي موادو مخنیوی شوی دی او همدارنګه د ۱۱ هغو شرکتونو جواز اخیستل شوی د قانون خلاف يې په دغه ولایت کې فعالیتونه کول.
