«هرات امنیتی مذاکره‌لر» تورتینچی خلق ارا ییغین بوگون اوز پایانی‌گه ییتدی. مذکور ییغین نینگ اساسی موضوعی رکود و احیایی اسلامی تمدن بولگن. ایتیلیشیچه، سیاسی رهبرلر همده سیاسی ایش بیلرمانلر اوشبو کنفرانسده قیین‌چیلیک‌لردن چیقیش یولی همده منطقه‌وی خوفسیزلیک خصوصیده بحث مذاکره قیلگنلر.
افغانستان استراتیژیک مطالعات مرکزی رییسی داوود مرادیان اوشبو ییغین جریانیده افغانستان امنیتی وضعیتی باره‌سیده اشتراک قیلگن تشکیلات‌لر و مملکتلر نمایده‌لری بیلن اورته‌گه قویگن.
جناب مرادیانگه کوره، بو تورتینچی مرته بونده‌ی بیر کون اوچون ایش بیلرمانلر همده سیاسی متخصص‌لر هرات‌گه کیلیب منطقه‌وی معمالر جمله‌دن نابرقرارلیکلرگه حل یو تاپیش اوچون بحث مذاکره قیله‌دیلر.
اوشبو ییغینده جناب مرادیان «داعش» نی اسلام مدنیتی رکود قیلیشی نینگ عامل‌لریدن بیری دیب، ییغینده داعش و شونگه اوخشه‌گن ترورچیلیک فعالیتلرنی قیله‌دیگنلر فعالیت توغریسیده هر تامانلمه سوزلشگن.
افغانستان استراتیژیک مطالعات مرکزی رییسی‌نینگ معلوم قیلیشیچه، بو ییل اوتکزیلگن هرات امنیتی مذاکره لرده افغانستان اساسی قانونی‌نی تن آلگن طالب‌لر رهبرلری شامل پاکستان جاسوسلیک اداره‌سی نینگ قطار سابق ملازملری اشتراک قیلگن.
اما، قطار سیاسی تحلیلچی‌لر پاکستان نماینده‌لری و او مملکت جاسوسلیک اداره‌سی سابق اعضالری‌نینگ مذکور ییغینده اشتراک قیلگنی اوچون خواطر بیلدیرگن‌لر.
اوشبو ییغینده اشتراک قیلگن سیاسی تحلیلچی احمد سعیدیگه کوره، منطقه دولت‌لر رهبرلری همکار مملکتلر اورته‌سیده خوفسیزلیک تامین ایتیلگن بیر مملکت اوچون پاک نیت‌ده بولمه‌گن حالده، بونده‌ی ییغین‌لرنی اوتکزیش و مذاکره قیلیش هیچ زمان ایجابی نتیجه بیرمیدی.
افغانستان و پاکستان اورته‌سیده مذاکره‌نینگ ایکینچی دوری باشلنه‌دی.
افغانستان مطالعات مرکزی‌نینگ رییسی داوود مرادیان « هرات امنیتی مذاکره» ییغینی‌نینگ پایانیده افغانستان و پاکستان ارا تینچ‌لیک مذاکره‌نینگ ایکینچی دوری باشله‌نیشینی ایتگن. جناب مرادیانگه کوره، مذکور مذاکره پاکستان دولتی‌نینگ سابق بلند مرتبه‌لی هیاتلری بیلن افغانستان حکومی ملازملری اورته‌سیده اوتکزیلیشی کوتیله‌دی.
جناب مرادیان اوشبو ییغین اوتکزیلیشی رسمی کابل – اسلام آباد علاقه‌سی یخشی له‌نیشی اوچون تاثیر بار دیگن. ییغینده ایکی مملکت اورته‌سیده علاقه‌لرنی مستحکملش اوچون حل یول‌لری اوستیده هم بحث آلیب باریلیشی ایتیله‌دی.
کابل‌نینگ شاه شهید منطقه‌سیده صادر ایتیلگن کوچلی پارتلشدن همده پیشاورده حربی‌لر تصرفیده‌گی مکتب‌گه هجوم اویوشتیریلگندن کیین رسمی کابل بیلن اسلام آباد بلند مرتبه‌لی رسمیلری بیر- بیراولرینی ترورچی گروه‌لرنی حمایت قیلگن‌لیکده عیبله‌گن ایدی. انه شو مساله‌سبب پاکستان و افغانستان علاقه‌سی سُستلشدی.
