«هرات خوفسیزلیک مذاکره‌سی»نینگ بیشینچی خلق ارا ییغینی بوگون (جمعه) هرات‌ده باشلندی.
افغانستان استارتیژیک مطالعات انستیتوتی‌نینگ باشلیغی داوود مرادیان اداره‌سی تامانیدن اوتکزیلگن ییغینده چیقیش قیلیب، بو ییل ییغین‌نینگ اصلی موضوعی « زوروانلیک سیاسی تیزیم» نامی آستیده اوتکزیلگن خلق ارا ییغینده مملکت سیاسی مساله‌لری محاکمه بوله‌دی دیگن.
«هرات خوفسیزلیک مذاکره‌سی»نینگ بیشینچی خلق ارا ییغینی اوتکزیش‌دن نیت افغانستان و منطقه‌ده‌گی نا تینچلیکلرگه معین ییچیم یول تاپیش اوچون سیاسی و اجتماعی فکری اجماع تشکیل ایتیش اوچون سعی وحرکت قیلیش دیگن جناب مرادیان.
افغانستان استرتیژیک مطالعات انستیتوتی نینگ باشلیغی «هرات امنیت مذاکره‌سی»نینگ بیشینچی خلق ارا ییغینی جریانیده افغانستان و پاکستان امنیتی مذاکره‌سی‌نینگ آلتینچی دوری و هند افغانستان امنیت مذاکره‌سی‌نینگ ایکینچی دوری توغریسیده هم بحث آلیب باریله‌دی دیگن.
هرات ولایتی نینگ والیسی محمدآصف رحیمی بونده‌ی ییغینلر اوتکزیلیشی منطقه مملکتلری ارا هماهنگلیک ایجاد قیله‌دی دیگن. اونگه کوره، بو قبیل کنفرانسلر اوتکزیلیشی بیلن اشتراک قیلگن مملکتلر نماینده‌لری دولتلرده تینچلیک اورنه‌تیش اوچون کوپراق حرکت قیله‌دیلر دیگن.
ییغینده قتنشگن سیاسی تحلیلچی احمد سعیدی بو قبیل ییغینلر تینچلیککه ایریشیش اوچون امید توغدیرسه –ده لیکن افغانستان حاضرگی وضعیتی‌نی حل قیلیش اوچون اونچه‌لیک فایده‌ل_
پی ایمس دیگن. اونینگ سوزلریگه کوره، ترورچیلرنی حمایت قیله دیگنلر اینیقسه پاکستانلیک حربیلر اولدیریش یولی بیلن نیتلریگه ایرشه آلمسلیکلرنی تن آلگن حالده، منطقه‌ده امنیت تامین ایتیش ممکن ایمس دیگن.
«هرات امنیتی مذاکره‌سی» نینگ خلق ارا بیشینچی ییغنی‌ده اون بیش مملکت و خلق ارا تشکیلاتلرنینگ 120 گه قدر نماینده‌سی اشتراک قیلگن. ایران، پاکستان، هندوستان، چین، روسیه، امریکا، فرانسه، تورکیه، تاجیکستان، آلمان، انگلستان، بیرلشگن ملتلر تشکیلاتی و ناتو نماینده‌لری بو کنفرانس‌ده اشتراک قیلگنلر.
