مملکت غربیده جایلشگن هرات ولایتینینگ محلی مسووللری، قوراللی طالبلر بوگون (پنجشنبه) توشدن آلدین چیتایللیک سیاحلر کروانی ولایتنینگ چِشت تومنیده نشانگه آلینگنلیگینی ایتگنلر. نتیجهده 6 نفر چیتایللیک سیاح شامل هیداوچیلری یرهلنگن.
هرات ولایت والیسینینگ سوزلاوچیسی جیلانی فرهادنینگ سلاموطندارگه ایتیشیچه، 11 کیشیدن عبارت اوشبو چیتایللیک سیاحلر غور ولایتیدن هرات تامان حرکتده بولگن پیتده هجوم آستیگه آلینگنلر. سیاحلر چِشت تومنینینگ تگابسوری منطقهسیده نشانگه آلینگنلیگی تیلگه آلینگن.
بوندن آلدین اخبارات واسطهلری، سیاحلرنینگ بیر قنچهسی اولدیریلگنلیگی توغریسیده گزارش بیرگن ایدی. لیکن، هرات ولایت والیسینینگ سوزلاوچیسی بو گزارشلرنی رد قیلگن.
جناب فرهاد، سیاحلر امریکا، آلمان، انگلیس و اسکاتلند وطنداشلری ایکن لیگینی بیلدیرگن.
سیاحلر کروانی خوفسیزلیگینی تامینلش مسوولی همده هرات اوبه تومنینینگ امنیه قوماندانی شیرآغا الکوزیگه کوره، چِشت تومنیدن اوته دیگن چاغده کروانلری قوراللی طلبلر طرفیدن پسترمهگه آلینیب، عاقبتده سیاحلردن بیر قنچهسی یینگیل یرهلنگن.
جناب الکوزی، ملی کوچلر بیلن جنگریلر اورتهسیده یوز بیرگن آتیشمهده امنیتی کوچلرگه هیچ قندهی زیان ییتمهگنلیگینی تصدیق لهگن. او، سیاحلر هرات شهریگه آلیب کیلینگنلیکلرینی بیلدیرگن.
بامیان ولایتیدن سفرنی باشلهگن مذکور سیاحلر غور ولایتینی باسیب اوتیب، هراتگه کیلیشنی انابتگه آلگنلیکلری ایتیلهدی.
