بغلان ولایتیده یوز بیرگن سونگی اوروشلر نتیجهسیده 6 مینگ دن آرتیق عایله بدرغه بولگن و بدرغه بولگنلرگه یاردم ییتکیزیلمهگنی باعث، اولر یامان وضعیتده حیات کیچیرهدیلر.
بغلان ولایتیده مهاجرلر و باشپناهایزلاوچیلر ریاستی باشلیغی شفیقالله شفق نینگ سلاموطندارگه ایتیشیچه، یاردمچی ادارهلرنینگ حضوری آز بولگنی باعث، اولر ییترلی شکلده بدرغهلرنینگ قیینچیلیکلریگه دقت قیله آلمهگن.
بغلان بدرغهلریدن نسیمه و محمدنبی نینگ سلاموطندارگه ایتیشیچه، مذکور ولایتده یوز بیرگن آتیشمهلر باعث، اولر اوی و جایلرینی ترک ایتیش گه مجبور بولگن و حکومت حاضرگهقدر اولرنینگ قیینچیلیکلریگه دقت قیلمهگن.
بغلان ولایتیده مهاجرلر و باشپناه ایزلاوچیلر ریاستی باشلیغی نینگ ایتیشیچه، بو اداره یالغیز 250 عایله گه نقد پول یاردم بیرگن و بو ریاست نینگ سیار تیملری بدرغه بولگنلرنینگ وضعیتی تیکشیریلیشی اوچون بغلان نینگ تورلی منطقهلری گه یوباریلگن.
بغلان ولایتیده مهاجرلر و باشپناه ایزلاوچیلر ریاستی مسؤوللری، بوتون ملی و خلق ارا یاردم بیرووچی ادارهلردن تیزلیککه بدرغه بولگنلرگه یاردم ییتکزیشلرینی سورهگن.
ایتیش کیرهک کیم، کمیده ایکی هفته آلدین، شمالی ولایتلرده اوروش شدتلندی و بغلان ولایتی نینگ مرکزی پلخمری شهری 10 کوندن کوپراق طالبان گروهی نینگ قورشاویده ایدی.
