افغانستان‌لیک عیال‌لرنینگ خطاط‌لیک اثرلری بیرینچی مرته بوگون هرات‌ده کورگزمه گه قوییلدی. مذکور کورگزمه‌ده عیال‌لرگه تیگیشلی 55 ته خطاط‌لیک و خوش نویس‌لیک اثر کورستووگه قویلگن.
بو کورگزمه هرات انسان حق حقوقلری بوییچه اداره تامانیدن « افغانستان‌ده عیال خطاط‌لر بیرینچی خوش نویس‌لیک کورگزمه سی» نامیده اوتکزیلگن. علامه سلجوقی تاریده یولگه قوییلگن اوشبو کورگزمه بیش کون دوام تارتیشی ایتیله‌دی.
هرات انسان حق و حقوقلری بوییچه اداره باشلیغی عبدالقادر رحیمی‌نینگ ایتیشیچه، بیرینچی مرته عیال‌لرنینگ قابلیتی‌گه عاید خطاط‌لیک و خوش نویس‌لیک اثرلر کورگزمه گه قوییلگن. جناب رحیمی، بونده‌ی کورگزمه‌لر آچیلیشی بیلن صنعتچی عیال‌لرگه کوپراق زمینه یره تیلیشی‌گه امید بیلدیرگن. عین حالده، مذکور کورگزمه گه اوز اثرلرینی کورستووگه قویگن عیال‌لردن بیری نینگ ایتیشیچه، عیال قتلمی هم جامعه‌ده ایرکک‌لر بیلن یانمه یان فعالیت قیله آله دیلر.
خاتین‌لردن باشقه بیرته سی عفت حسینی، قول صنعت‌لرینی نمایشگه قویگن‌لیک‌لریدن نیت عیال‌لر وجودیده یاشیرون قالگن قابلیت‌لرینی کورسه تیش بولگن‌لیگینی ایگن. خوش نویس عیال‌لردن بیری حمیده ساغری، اون اثری بو کورگزمه‌ده کورستووگه قوییلگن‌لیگینی ایته‌دی.
اونک‌گه کوره، جماعه عیال‌لری‌نینگ هنر و صنعتی بیلن کوپراق تَنیشیشی لازم. عیال‌لر خطاط‌لیک و خوش نویس‌لیک کورگزمه سینی کوریب چیققن‌لر، کیله‌جک‌لرده هم خاتین قیزلر تشبثی بیلن بونده‌ی ییریک کورگزمه‌لر آچیلیشی‌نی ایتگن‌لر.
هنوزگه مملکت بولیب عیال‌لرگه عاید خطاط‌لیک و خوش نویس‌لیک اثرلری کورگزم‌گه قوییلیشی اوچون دولت تامانیدن شرایط یره تیب بیلمه گن‌لیگی ایتیله‌دی. بو افغانستان‌لیک اینیقسه هرات‌لیک عیال‌لر اوچون ییریک فعالیت سنله‌دی.
