هرات‌ده اوتکن نیچه کون دوامیده اوقووچی قیزلری‌نینک کیین مه کیین زهرلنیشی جریانیده (شنبه کون) مذکور ولایت مکتب‌لریدن بیری‌گه 32 اوقووچی و اوقوتووچی زهرلندی.
اوشبو «عبدالعلی شاه توخی» ناملی مکتب هرات مرکزی «امام فخر رازی» منطقه‌سیده جایلشگن.
اوتکن بیر هفته جریانیده زهرلنگن‌لر سانی 400 کیشی‌گه ییتیشگن.
هرات ولایتی‌نینگ معارف ریاستی مسوول‌لری (شنبه کون) بیر ییغینده، اوقووچیلر زهرلنیشی توغری‌سیده کشفی کوچلرنینگ دقت سیزلیک‌که عیب‌لب ایتیشیچه، هرات‌نینگ پولیس اداره‌سی واقعه‌لرگه باعث بولگن‌لرنی تانیش‌گه ناکام قالگن.
هرات ولایتی معارف ریاستی باشلیغی عبدالرزاق احمدی اوشبو ییغینده، کشفی و تیکشیروچی کوچلردن واقعه‌لر توغری‌سیده جدی شکلده ایش‌گه کیریش‌لرینی سوره‌دی.
عین حالده، هرات والیسی اورین باسری اصیل‌الدین جامی‌نینگ ایتیشیچه، اوقووچیلرنینگ زهرلنیشی اوچون تشقی تشکیلات‌لر یانیده مذکور ولایت ایچیده‌هم بیرقطار کیشی‌لرنینگ قولی بار.
هرات حوزه‌وی کسلخانه سوزلاوچیسی محمدرفیق شیرزی، مذکور ولایت اوقووچیلری‌نینگ زهرلنیشی توغری‌سیده خواطر بیلدیریب ایتیشیچه، کیین مه کیین زهرلنیش واقعه‌لر باعث، بیرقطار اوقووچیلر روحی کسل لیگی‌گه چالینگن.
هرات پولیس سوزلاوچیسی عبدالرؤوف احمدی سلام‌وطندار بیلن اوتکزگن صحبتیده، پولیس تیرگاوی اساس، بو واقعه‌لر مکتب ایچیده‌گی اوقوتووچیلر و اوقووچیلر تامانیدن عمل‌گه آشیریلگنینی ایتکن.
اوتکن بیرهفته جریانیده قیز اوقووچیلر هرات‌ده تورتینچی مرته زهرلندی.
