د هرات د امنیې قومانداني د ویاند د دفتر سرپرست عتیقالله وثیق د دغه خبر د تایید ترڅنګ وايي چې د لویې لارې د کنډک ټانک د سړک پر غاړه یوه خښ شوي ماین ورختلی چې له کبله یې ۳ امنیتي ځواکونه وژل شوي او ۳ نور ټپیان دي.
دا پېښه نن سهار ۱۱ بجې د هراتـاسلامکلا پر لویې لارې شوې ده.
تر اوسه کوم چا یا ډلې د دغې چاودنې مسوولین پر غاړه نه دی اخیستی.
د اسلامکلا بندر کمیسار مهرالله بلوڅ بیا سلاموطندار ته ویلي چې یادو امنیتي ځواکونو د هرات د ګمرک رییس حمدالله همدرد موټر چې له ښاره اسلامکلا ته روان و، بدرګه کاوه.
د نوموړي په وینا، چاودنه د اسلامکلا شهرک بازار ته په ننوتونکې دروازه کې شوې ده.
د هرات د ګمرک رییس حمدالله همدرد بیا دا پېښه د طالبانو د کمین له کبله یادوي او وايي، له هغه وروسته چې د امنیتي ځواکونو ټانګ پر ماین ور برابر شو، د ده پر موټر هم ډزې وشوې چې په وینا یې، له کبله یې چا ته زیان نه دی اوښتی.
همدرد وايي چې له تېرو څو ورځو راهیسې د دغې ډلې له لوري ګواښل شوی و. طالبانو تر اوسه په دې اړه څه نه دي ویلي.
د یادونې ده چې د هرات د ګمرک رییس پر فساد تورن دی او تازه د ولسمشر له لوري د ګمرکونو له څو نورو چارواکو سره ممنوعالخروج شوی دی.
