د خوست د امنيې قومندانۍ مسوولان وايي، تېره شپه شاوخوا نهه بجې د اسماعیل خېلو او مندوزیو ولسوالۍ د چراګا او دېګانو کلي سره نږدې په یو کور وسلهوال برید شوی چې د کورنۍ ۸ غړیو ته يې مرګ ژوبله اړولې ده.
د خوست امنیې قوماندانۍ ویاند عادل حیدر وایي، په برید کې د یادې کورنۍ ۵ غړي وژل شوي او ۳ نور ټپيان دي.
د نوموړي په خبره، په وژل شويو کې یوه ښځه، یو سړی او درې نجونې شاملې دي.
د سیمې اوسېدونکي وایي، یادې کورنۍ پخوا شخصي دښمني لرله خو اوس حل شوې وه او زیاتوي چې دغې کورنۍ د بېوزلۍ له کبله د کلیوالو څاروي څرول.
د خوست امنیې قوماندانۍ همداراز وايي، په دې اړه يې پلټنې پيل کړې دي.
