.jpg)
د دایکندي د والي ویاند علياکبر ناطقي سلام وطندار ته وویل چې د یکشنبې په مازیګر د امنیتي ځواکونو ۳۳ تنه چې ۱۶ تنه یې کمانډو، ۸ تنه یې ملياردو، ۵ تنه یې محلي پولیس او ۲ تنه یې ملي پولیس وو؛ له طالبانو سره له جګړې وروسته د دې ولایت میرامور ولسوالۍ ته پناه وړې ده.
پهدې افسرانو کې یو مستعار نومی پولیس قهرمان نومېږي. هغه وايي، له مرکزه ورته هېڅ مرسته نه رسېدله، د حکومت چورلکو د طالبانو منځ ته خوراکي توکي ور اچول او دوی له ډېرې سختې وېرې له طالبانو سره مقاومت نهشو کولی.
.jpg)
د ملياردو یو سرتېری چمنعلي او له دې ډلې یو بل سرتېری وايي چې په اجرستان ولسوالۍ کې له جګړې مخکې د دوی په ډله کې ۶۰ کومانډویان، ۳۵ تنه ملياردو، ۳۰ تنه ملي او محلي پولیس وو؛ خو اوس یې د ډېرو هغو برخلیک نهدی معلوم.
د قهرمان په وینا، طالبانو اجرستان ولسوالي په بشپړ ډول نیولې او اوس د خلکو له کورونو نه د سپر په ډول ګټنه کوي.
هڅه مو وکړه چې پهدې اړه د ملي دفاع وزارت نظر هم واخلو؛ له پرلهپسې اړیکو وروسته هم بریالي نهشو.
