اوتگن کون کیچ قورون افغانستان شیعه عالم لر کینگشی اعضالری، بیر اعلامیه ترقه‌تیب اهالی دن آواز بیرووچیلرنی رویخط‌گه آلیش مرکزلر خوفسیزلیگی تأمین‌لنگونگه‌قدر، بو لایحه گه اشتراک قیلمس‌لرینی سوره‌گن.
بیراق، جمهور رییس ایکینچی اورین باسری سرور دانش نینگ مطبوعاتی مصلحتچیسی محمد هدایت‌نینگ سلام‌وطندارگه ایتیشیچه، افغانستان شیعه عالم‌لر کینگشی‌نینگ اعلامیه‌سی ملی منفعت گه قرشی دیر و اهالی اونگه تکیه قیلمه‌سی کیره‌ک.
عین حالده، جناب هدایت، دشت برچی ده جمعیت‌نی رویخط گه آلیش مرکزده یشاوچیلرنینگ خوفسیزلیگی تأمین‌لنیشی خصوصیده، حکومت‌نینگ بی‌فرق یانده‌شگنینی تصدیق‌لیدی، بیراق ایتیشیچه، بو موضوع اهالی ملی لایحه گه اشتراک قیلمه‌سی توغریسیده بهانه بولمه‌سی لازم.
عین حالده، ، افغانستان شیعه عالم‌لر کینگشی‌نینگ اجرایی اعضاسی اسدالله یوسفی‌نینگ سلام‌وطندارگه ایتیشیچه، سیلاولردن کوره اهالی خوفسیزلیگی مقدم دیر.
یوسفی‌نینگ اورغولشیچه، مذکور کینگش آواز بیرووچیلر و جمعیت‌نی رویخط‌گه آلیش مرکزلرده اهالی خوفسیزلیگی تأمین‌لنمه‌گنی سبب، بو لایحه‌لرنی تحریم قیلگن.
اونینگ کوپه‌یتیریشیچه، حکومت و سیلاولر ایرکین کمیسیونی یشاوچیلرنینگ خوفسیزلیگی تأمین‌لنیشی توغریسیده ایشانچ بیرگونگه‌قدر بو تحریم جایی‌ده قاله‌دی.
بیراق، سیلاولر ایرکین کمیسیونی مسؤوللری‌نینگ ایتیشیچه، افغانستان عالم‌لر کینگشی شیعه و سنی عالم‌لردن تشکیل ایتیلگن، بوندن آلدین سیلاولرده اهالی کینگ شکلده اشتراک قیلیشی گه موافقت بیلدیریب و بو کمیسیون گه همکارلیک سوزینی بیرگن.
افغانستان شیعه عالم‌لر کینگشی کابل شهری‌نینگ آلتینچی امنیتی حوزه‌سیده جمعیت‌نی رویخط‌گه آلیش مرکزده خودکش هجوم یوز بیرگنیدن سونگ، سیلاوگه قرشی تحریم گه قرار قیلدی. مذکور خودکش هجوم نتیجه‌سیده چمه‌سی 200 تینچ اهالی هلاک ایتیلیب و یره‌لنگن ایدی.
