هرات ولایتینینگ غوریان تومنی، طالبلر و قاچاقچیلر اوچون مخدره ماده قاچاق قیلهدیگن اینگ کته یول بولگن. غوریان تومنی محلی رسمیلرینینگ ایتیشیچه، طالبلر کوپینچه درامدلرینی مذکور تومننینگ مخدره ماده ترانزیتی یولیدن قولگه کیریتهدی.
بوگون خبری بیر ییغین اوتکزگن غوریان ولسوالی سیدعبدالکریم زاهدنینگ ایتیشیچه، بو تومنده کوکنار ایکیلمهیدی، بیراق طالبلر و قاچاقچیلر، مخدره مادهنی بادغیس ولایتی و غوریان تومنی یولیدن اوتکزیب شیندند تومنی و فراه و نمیروز ولایتلریگه انتقال بیرهدیلر.
جناب زاهدنینگ ایتیشیچه، حربی جهاز هم غوریان تومنی یولیدن بولهدی و بو تومن حربی جهاز و مخدره ماده قاچاقی اوچون ترانزیتی یول بولگنی سبب، ناتینچلیک و مخدره مادهگه چالینگن کته و کیچیک بنگیلر میزانی آشگن.
غوریان ولسوالینینگ ایتیشیچه، مذکور تومننینگ دشتلری کینگ بولگنی باعث، آز تشکیلات بیلن پولیس کوچلری، مخدره ماده قاچاقیگه توسیق بوله آلمهیدی و بو تومنده دایمی امنیتی پوستهلر ایجاد ایتیلیشی لازم.
غوریان تومنی محلی رسمیلرینینگ ایتیشیچه، قویاش 1395- ییل جریانیده، مذکور تومنده طالبلرگه تیگیشلی مخدره ماده ایشلب چیقارهدیگن ایکی کته ایش خانه کشف ایتیلیب قولگه کیریتیلگن.
هرات حاکمینینگ سوزلاوچیسی جیلانی فرهاد، هرات ولایتی اینیقسه غوریان تومنی مذکور ولایت بیلن چیگرهداش بولگن ایکی ولایتگه مخدره ماده قاچاقی اوچون ترانزیتی یول بولگنینی تصدیقلهیدی، بیراق ایتیشیچه، امنیتی کوچلر، مخدره ماده قاچاقینینگ آلدینی آلیش خصوصیده، قوشمه ریجهلرنی قولگه آلگنلر.
