سلاموطندار اجتماعی گزارشلری تیزیمیده، دولت و نادولت ادارهلریده جنسی زورهوانلیککه قربان بولگن قطار کیشیلر بیلن صحبت اوتکزگن. اوشبو صحبتلر توپلهمی بیر خاص لایحهگه جایلشتیریلگن. صحبت اوتکزگنلرنینگ برچهسینینگ آتی مستعار دیر؛ بیراق حکایهلر حقیقی.
مینا: 32 یاشگه کیریشی بیلنآق، حیاتی یخشی لهنیشی و تحصیلگه دوام ایتیریش اوچون عایلهام دن اوزاقلهشیب پایتخت کابل کیلدیم دیدی. تورت ییل طلبهلیک دورینی بیتیرگندن سونگ باشقه یاشلر کبی ایش ایزلهدیم. نیتیم ایشگه باریشدن هم تورت ییل تحصیل جریانیده مین اوچون محنت چیککن خانهدانمگه مالی همکارلیک قیلیش ایدی. آیلیب ایش ایزلهدیم، آخرگه کیلیب ادارهلردن بیریگه کاتبلیک لوزامی اوچون درخواست بیردیم. دستلبکی انتروی یا صحبت اوتکزیش اوچون او ییرگه باردیم، مین بیلن صحبت قیله دیگن شخص سورهشیش اوچون قول اوزه تیشگه حرکت قیلدی. کیمنه ایسه قول بیریشدن وازکیچدیم. لیکن، او گپیره باشلهدی، اونینگ صحبتلری ایچیده مینی آلهجک وظیفهگه تیگیشلی هیچ بیر مساله کورینمس ایدی. بالاخره هیچ بیر گپ تاپه آلمسدن، خونیکلیک بیلن مینگه دیدی، مینی راضی قیلیش اوچون بویریله دیگن ایشلرنی بجریشینگ کیرهک، دایم مینی خوشحال قیلیب توریشینگ هم لازم یعنی نیمه دیسم عملگه اشیریش ضرور. گپیریشیدن اونینگ ذهنیده بعضی بیر نرسهلر بارلیگی سیزیلردی. اوشه آنده ادارهدن چیقیش اوچون حرکت باشلهگنیمده، مینی خوش قیلیش اوچون سعی وحرکت قیله الهسن می؟ لیکن، کمینه تیزلیک بیلن بو ادارهنی ترک قیلیشگه اولگورردی. نهایتده ایشیمیز خیرلهشیش گه کیلگنده، ادارهنینگ چیقیش ایشیگیگه ییتگنمیزده، جنسی کسللیککه دوچار بولگن بو مریض ینه قول بیریب خیرلهشیش گه اولگوردی؛ لیکن، ینه هم قول بیرمهدیم. آخیرده سین ملاسن هیچ بیر ییرده ایش تاپه آلمیسن دیدی.
منیژه: مین هردایم خیالیمده کته آرزو و ایستکلرنی سقلردیم. بیلیم یورتنی ایکینچی ییلیده کورینیشی تاتلی و قیزیق فضا میدیاگه کیریشگه علاقه کورستدیم. دستلب ایشیم میدیاده یخشی آلغه بارردی. تفریحی دستورلر، اجتماعی لایحهلر ارایه ایتگنیم دن کیین، رادیوده خبر نطاقی بولیشیمگه تکلیف قیلیندی. اوستونلیککه ایریشهدیگن چاغیمده استه سیکین قیینچیلیکلریم باشلندی. دفترنینگ بلند مرتبهلی رسمیلری تامانیدن اخلاقسیز تکلیفلر باشیمگه کیلدی. روحی لحاظدن شونچهلیک باسقین آستیگه قرار تاپدیم که استعفا بیریشگه مجبور بولدیم. انچه جنجللردن کیین، مینی قِینهگن کیشی جزالهنیب و مین قیتهدن ایشگه قیتیشیمگه قرار قیلیندی. بیراق، اونچه مدت اوتمهی کورینیشی یخشی کیشیلر تاتلی سوزلرگه باشلهدی. بو دفترده ایش دوامیدن امیدسیز بولگنیم باعث، باشقه بیر میدیا تامانیدن تکلیف بولینگن ایشنی قبول قیلدیم. بیراق ایکینچی دفترده هم بیر هفته اوتگنیدن کیین، عین تکلیفلرگه روپهره بولدیم. برچه تکلیفلر توغریسیده بی فرق یاندهشگنیم باعث، قیسقرتمهلر و ایریم بی معنا شرطلر جملهدن ترانسپورت مسئلهسی اورتهدن کوتریلیب و یالغیز مینینگ اوستیمگه تطبیق ایتیلدی. بونگه قوشیمچه تلیفون علاقه قورمسلیک و دفتر ساحهسیده یوریش باشقریلدی. باسقینلر کوپهیگنی باعث، استعفا بیردیم.
عالیه: پولیس اکادمیهسیدن فارغ بولگنیم آلتی ییل بولهدی، بیراق حاضرگچه بریدمللیک رتبهسیده قالگن من. رتبه و مقامیم یوقاری کیتیشینی ایستهسم باشلیغیمنینگ ایستکلریگه تَن بیریشیم لازم. اولر مین و باشقه پولیس عیاللردن رتبهلری یوقاری کیتیشی اوچون ساوغه ایستهیدیلر. بیراق بو ساوغه جنسی علاقه قوریشدن باشقه نرسه ایمس. مین ایشلهیدیگن ییرده بیرینچیدن ایرککلر بیلن علاقه قوریب و یا-ده تانیقلی عایلهلردن بولسنگ حقینگه ایریشهسن. مین حاضرگچه نیچه مرته رتبهم یوقاری کوتریلیشینی سورهدیم؛ بیراق هر بیر مرته مینگه بستنی مهمانلیگی و رسمو رواجی بارلیگینی ایتدیلر. مین ایشلهیدیگن ییرده تَن بیریب بیرجایگه ایریشیش کیرهک.
