18 یاشر مهتاب ناملی قیز ایکّی کون درکسیز یوقالگندن کیین یالغوز قوللری تاپیلگن. مهتابنینگ آتهسی، قیزی ایش قیلیش اوچون قوشنیسینینگ اوییگه بارگن؛ لیکن دوباره قیتمهدی دیدی. فراه ولایتی قلعهکاه تومنی نینگ یشاوچیسی بولگن مذکور قیزنینگ قوللری ایلکهسیدن جدا ایتیلیب اولدیریلگن.
حادثه ییریده مهتابنینگ قوللرینی کورگن عینی گواهلرگه کوره، اونینگ قوللری قتیق باسیم آستیگه آلینگنده ایلکهدن جدا بولگن لیگی ممکن.
مهتابنینگ آتهسیگه کوره، اوشه کون قیزینی تاپیش اوچون آلیب بارگن سعی وحرکتلری نتیجه بیرمهگن. او، ایکّی کوندن کیین قیزینینگ فقط ایکّی قولی تاپیلگن لیگینی ایتگن. ایتیلیشیچه، مهتاب شفقتسیز روشده اولدیریلیب، قوشنی قیشلاققه سیر روشده کومیلگن.
فراه امنیه قوماندانلیگینینگ خوفسیزلیک آمری عبدالرقیب صافینینگ بو توغریده ایتیشیچه، جسد تاپیلیشی و واقعهنینگ سببی انیقلهنیشی اوچون تیرگاو باشلنگن. او، حادثه عامللری تیزلیکده قولگه آلینیشی ممکن دیگن.
ولایت پولیس قوماندانلیگینینگ خوفسیزلیک آمری، بو جاری ییلده ولایتده یوز بیرگن بیرینچی شفقتسیز اولیم واقعهسی بولگن لیگینی بیلدیرگن.
