هلمند ولایتیده ساغلیقنی سقلش ریاست باشلیغی عبدالاحد حازم نینگ ایتیشیچه، مذکور ولایت نینگ ساغلیک خذمتلرینی سهمیهسی سابق جمعیت حسابی گه بیریلهدی و بو موضوع باعث، مذکور ولایت یشاوچیلریدن یریمی ساغلیک خذمتلریدن محروم قالهدی.
اونگه کوره، بُست ولایتی کسلخانهسی شامل مذکور ولایت نینگ 82 ساغلیک مرکزی اوتگن ییل 38 مینگ ایچکی یاتاقلی کسل و 39 مینگ باله توغیشنی قبول قیلگن.
هلمند حاکمی محمدیاسین خان نینگ ایتیشیچه، سونگی ییللرده جمعیت رویخطگه آلینمهگن و بو ولایت نینگ بوتون سهمیهسی جملهدن ساغلیک امکانیتی سابق رویخطگه آلینگن جمعیت حسابی گه بیریلهدی.
اونگه کوره، بو ولایتده کوپلب ساغلیک مرکز قوریلگن، لیکن بو مرکزلر ییترلی ایمس دیر.
شونینگدیک، هلمند یشاوچیلریدن بیرقطاری، مذکور ولایتده ساغلیک خذمتلری کملیگیدن شکایت قیلیب ایتیشیچه، اوشبو ولایت نینگ اوزاق منطقهلریده اهالی ساغلیک خذمتلریدن محروم دیر.
اولر، ساغلیقنی سقلش وزیرلیگیدن تنقید قیلیب ایتیشیچه، مذکور وزیرلیک هلمند ولایتی نینگ ساغلیک وضعیتی توغریسیده دقت قیلمهیدی و بو وزیرلیک تمانیدن هلمند ولایتی نینگ ساغلیقنی سقلش ریاستی گه یوباریلهدیگن امکانیت ییترلی ایمس دیر
هلمند ولایتیده ساغلیقنی سقلش ریاست مسؤوللری تامانیدن بیریلگن معلومات اساسیده، بو ولایتده دولتی کسلخانهلرنی یانیده، بیرقطار خلق ارالیک کسلخانهلر هم فعالیت قیلهدیلر و بولر بیر آز اهالی قیینچیلیکلرینی حل قیلیشگن.
