هارون، میدانوردک پولیس اکادمیسینینگ اوقووچیسی ایدی. او، باشقه صنفداشلری بیلن بیرگه کابل- میدانوردک قتناو یولیده طالبلر تامانیدن ریجهلنگن خودکش هجوم نتیجهسیده هلاک ایتیلدی. هاروننینگ آتهسی صابرنینگ ایتیشیچه، اوغلی حکومت بی فرقلیگی باعث، هلاک ایتیلگن.
حکومت هم پولیس اکادمیسی اوقووچیلرینینگ میدانوردکدن کابل آلیب کیلیشگه بی فرق یاندهشیلگنینی تَن آلهدی و انه شو سبب، ایچکی ایشلر وزیرلیگینینگ 10 دن آرتیق مسؤولینی ایشدن بوشتدی.
هارون، 18 یاشیده بولیب عایلهسینینگ بیرینچی نان آوری و آلتینچی فرزندی ایکن. او، مکتبنی بیتتیرگنیدن کیین، عایلهسینینگ خرجتینی تأمینلش اوچون بیر مارکیتده ایشگه کیرهدی. بیراق نیازمندلیک و امنیتی کوچلر صفیده وظیفه بجریشگه علاقهسی بولگنی باعث، آیاغی میدانوردک پولیس اکادمیسیگه تارتیلهدی. آتهسینینگ سلاموطندارگه ایتیشیچه، ینه هیچ بیر نان آوری یوق و حکومت هم اولرگه یاردم بیرمهیدی.
هاروننینگ آتهسی، امنیتی کوچلر قربانلرینینگ عایله اعضاسی توغریسیده حکومتنی بیفرق یاندهشیشگه عیبلب ایتیشیچه، ایچکی ایشلر وزیرلیگی، اولرگه 40 مینگ افغانی یاردم بیرگن و اوغلینینگ ایکی آیلیک حقوقی و اکرامیهسینی توللهمگن.
اوشبو غم کورگن آتهنینگ ایتیشیچه، امنیتی کوچلر قربانلرینینگ عایله اعضاسی و امنیتی کوچلر خصوصیده حکومتنینگ بیفرق یاندهشی باعث، باشقه اوغلی امنیتی کوچلرگه قوشیلیشینی ایستمهیدی.
میدانوردک پولیس اکادمیسی اوقووچیلرینینگ تاشیوچی موترلر کاروانی، کابل کیلهیاتگن بیرچاغده، طالبلرنینگ هجومیگه دوچ کیلدی و نتیجهده اولردن 33 تهسی هلاک ایتیلدی و باشقه 58 تهسی یرهلندی.
