د افغانستان د ازادو رسنیو د ملاتړ ادارې یا نی چارواکيو نن په کابل کې په يوه خبري ناسته کې وویل، افغان حکومت د سولې په روانو خبرو کې هېڅ سره کرښه نه لري. د افغانستان د ازادو رسنیو د ملاتړ ادارې یا نی اجرايوي رییس مجیب خلوتګر وویل، د افغان حکومت او طالب استازيو ترمنځ د بینالافغاني خبرو په لړ کې باید د بیان ازادي تضمین شي او زياته يې کړه چې د خبرو دواړه لوري د بیان پر ازادۍ د محدودیتونو لګولو حق نه لري.
خلوتګر زیاته کړه، افغان حکومت هېڅکله په اساسي توګه د بیان له ازادۍ ملاتړ نه دی کړی.
خو د ولسمشر د وياند مرستیاله درانۍ وزیري وايي، د بیان او رسنیو ازادي به معامله نهشي او د افغان حکومت پلاوی ژمن دی چې د افغانانو ترمنځ خبرو کې د تېرو دوو لسیزو لاسته راوړنې وساتي.
د افغانستان له خپلواکه رسنیو د ملاتړ اداره یا نی همدارنګه وايي، د تړلو دروازو تر شاه د بینالافغاني خبرو ترسره کېدل، د خلکو باور او د غږ ازادۍ ته زیان رسوي او د رسنیو استازي باید بینالافغاني خبرو کې حضور ولري.
