افغانستانده ایرکین میدیالرنی حمایت قیلووچی اداره یا-ده نی تشکیلاتی، افغانستانده معلومات گه قول تاپیش وضعیتی‌نی بحرانلی دیب ایتیشیچه، بو وضعیت کون اوتیشی بیلن یامان بولماقده.
بوگون «دوشنبه، 23- سرطان» نی تشکیلاتی افغانستانده «معلومات گه قول تاپیش وضعیتی‌نی» تیکشیریش نتیجه‌سینی نشر قیلیب ایتیشیچه، معلومات گه قول تاپیش خصوصیده بولگن اینگ یامان وضعیت امنیتی اداره‌لرده دیر.
اوشبو تیکشیرووده 100 خبرچی بیش حوزه مرکز، شمال، شرق، غرب و جنوب دن اشتراک قیلیشگن.
افغانستانده ایرکین میدیالرنی حمایت قیلووچی اداره یا-ده نی تشکیلاتی‌نی اجراییه باشلیغی عبدالمجیب خلوتگرنینگ ایتیشیچه، مملکت ده معلومات گه قول تاپیش خصوصیده بولگن اینگ یامان وضعیت امنیتی اداره‌لرده دیر.
اونگه کوره، امنیتی اداره‌لرنینگ سوزلاوچی‌لری بیرینچی دن خبرچی‌لرگه جواب بیریش اوچون حاضر بولیشمه‌یدی و جواب بیرگنده هم معلومات دن کوپینچه‌سی حکومت نینگ ریکلامی بوله‌دی.
نی تشکیلاتی نینگ اجراییه باشلیغی، جمهورلیک ریاست سرایی و ساغلیقنی سقلش وزیرلیگی نینگ میدیالرگه معلومات بیریش خصوصیده کوچسیز دیب ایتیشیچه، بو اداره‌لر خبرچی‌لرنی اوز ایسته‌گی بیلن تنلب و معلومات نی اولر بیلن شریک قیله‌دی.
اوشبو تیکشیروو نتیجه‌سی اساسیده، خوفسیزلیک بولیمی دن کیین جمهورلیک ریاست سرایی، عدلی و قضایی اداره‌لر، شهردارلیک‌لر، ساغلیقنی سقلش، سوداگرلیک و مالیه وزیرلیک‌لری خبرچی‌لر بیلن معلومات نی شریک قیلیشمه‌یدی.
عین دمده، خبرچی‌لر هم معلومات گه قول تاپیش وضعیتی‌نی خواطرلی بیلیب ایتیشیچه، دولتی اداره‌لرنینگ سوزلاوچی‌لری اولرنینگ سوراقلری گه جواب بیریشمه‌یدی یا-ده کیچ جواب بیریشه‌دی.
خبرچی‌لر معلومات گه قول تاپیش کمیسیونی دن بو قیین‌چیلیک‌که جدی شکلده دقت قیلیشی‌نی سوره‌یدی.
خبرچی‌لرگه کوره، حکومت نینگ ناکاملیگی، معلومات نی یاشیریش و معلومات گه قول تاپیش کمیسیونی نینگ ظرفیتسیزلیگی باعث، دولتی اداره‌لر میدیالرگه جواب بیریشمه‌یدی.
بیراق، جمهورلیک ریاست سوزلاوچیسی اورین باسری داوخان مینه‌پال نینگ ایتیشیچه، حکومت و دولتی اداره‌لر هر زمان خبرچی‌لرگه جواب و معلومات بیریش گه مسؤول دیر.
