فاریاب ولایتی امنیتی ادارهلرینینگ مسووللری، سودابه ناملی بیر محصل قیز حیاتیگه نقطه قویگن. اوشبو قیز ولایت مرکزی میمنه شهری بلوچخانه منطقهسینینگ یشاوچیسی بولگن.
فاریاب پولیس ادارهسینینگ سوزلاوچیسی عبدلاکریم نینگ سلاموطندارگه ایتیشیچه، اوشبو قیز فاریاب بیلیم یورتی کیشیلیک بیلیملر فاکولتهسینینگ تورتینچی ییل محصلی بولگن. او، زهرلی دوا ییب حایتیگه پایان قویگن.
سودابه نیمه اوچون جانیگه قصد قیلگنلیگی هنوز انیق ایمس. اما، اوز ناملی فاش ایتیلیشینی ایستمهگن امنیتی بیر منبعنینگ بیلدیریشیچه، بو یاش قیز عایلهوی باسیملر عاقبتیده جانی گه قصد قیلگن.
اونینگ سوزلریگه کوره، سودابه بیر یاش – ییگیتنی سیویب قالگن؛ اونینگ بو قراریگه خانهدانی جدی قرشیلیک بیلدیرگن. ایتیلیشیچه، سودابه خانهدانی تامانیدن اوییدهگی اتاققه قملگن.
عین حالده، پولیس سوزلاوچیسی، بو قیز اوز جانیگه سوء قصد قیلگن لیگی توغریسیده تیرگاو باشلنگن. هنوز هم واقعهده قولی بارلیکده عیبلهنیب هیج کیم حبسگه آلینمهگن.
