.jpg)
«خانهدانیم نینگ آلتی اعضاسی هجومده قربان بولگن ایدی، اوغلیم و بیش جیَهنیم. اولرنینگ درآمدی حسابی بیلن زورغار تیبرهتردیک، اقتصادیم اوته ابکار حالتده بولگنی اوچون اولرنینگ جنازهسی 24ساعت حاولی میدانیده کفن سیز قالدی.» بو عیالهسی نینگ آلتی اعضاسینی انتحاری هجومده قولدن بیرگن قاره بخت بیر خاتین نینگ حکایهسی.
خانهدان نینگ مذکور آلتی اعضاسی بوندن اوچ ییل آلدین خوست ولایتیده اویوشتیریلگن هجومده حیاتدن کوز یومگن ایدی. اولردن برچهسی ایندی توقیز یاشگه تولگن 18 کیشی لیک بیر خانهدان میدانده قالگن.اوته یامان اقتصادی قشاقلیکده میز دیدی عیالهنینگ منه بو بیکسی.
عایلهنینگ خاتینلریدن ینه بیری سلاموطندار ترماغیگه بیرگن صحبتیده، ایتیک تیکووچی فرزندلرینینگ قولگه کیریته دیگن مبلغی حسابتیگه روزغار تیبرهتیشنی تیلگه آلگن. اما، ترورچیلیک بیر هجوم منه شو نیم – نیمکله حیاتیمیز سیماسینی قرانغولیککه اوگیردی دیدی.
.jpg)
خانهداننینگ باشقه بیر اعضاسیگه کوره، «کوپینچه کونلرنی آچلیک بیلن آقشام قیلهمیز و کیچهنینگ قهرتان ساووغیده فقط اوزیمیزگه توغلهنیب تانگ آتدیرهمیز.»
عبدالستار عایله نینگ یگانه ایرکگی. یاشی کیتیب قریب قالگن بو شخص خانهدان نینگ یتیم بالهلری و توک (بیوه) قالگن عیاللریگه سرپرستلیک قیلهدی. او، ایرتهدن آقشامگچه آغیر ایشلر بیلن شغللنهدی. بیراق، اونینگ قولگه کیریته دیگن پولی خانهدان اوچون اصلا ییترلی ایمس. اونینگ حکایهسیگه کوره، نیچه وقت ایچیده فقط بولرگه نیچه بوجی اون کومک قیلگن خلاص. بو چال، حادثه تیز آره ده کیشلرنینگ خاطرهسیدن اونوتیلدی هلی هیچ کیم بولرنینگ قشاقلیک و کمبغللیک آوازینی ایشیتمیدی.
اما، خوست ولایتی والیسی نینگ سوزلاووچیسی محمد مبارز زدران، انتحاری هجومده قربان بولگنلر عایلهسیگه حکومت آرقهلی دولت نینگ 99 کودیدن 100مینگ و تَن جراحتی آلگنلرگه ایسه 50 مینگ افغانی نقده پول یاردم کورسه تیلدی دیگن.
بو خانهدانلر مرکزی حکومتدن باله چیقهلری آچ یلنغاچ قالمس لیگی اوچون بیفرق قالمس لیکلرینی سورهگنلر. قیش نینگ قسقتقیچ ساووغیدن تشویش بیلدیرگن بو خانهدان اعضالری کورینیشیچه ییردن ایاغی آسماندن قولی اوزیلگن.
