.jpg)
فاریاب ولایتیده عالملر کینگشی اورین باسرینینگ ایتیشیچه، دولتی و غیردولتی ییغینلرده عیاللر و قیزلرنینگ ترانه و قوشیق اوقیشلری کفرلیک دیر و بوندهی مدنیت رواجلنیشیگه قرشی توریش دین عالملرینینگ مسؤولیتی دیر.
فاریاب ولایتیده عالملر کینگشی اعضالری تامانیدن صادر ایتیلگن فتوا اساسیده، نهفقط دولتی و غیردولتی ییغینلرده قیزلرنینگ ترانه اوقیشی و قوشیق ایتیشی منبع ایتیلگن، بلکیم بیلیم یورتلرده قیزلر و اوغیللرنینگ صنفلری اجرهتیلیشی طلب قیلینگن.
فاریابده عالملر کینگشی اورین باسری غلامنبی غفورینینگ ایتیشیچه، عیاللرنینگ قوشیق ایتیشی گه توسیق بولیش عالملرنینگ مسؤولیتی دیر.
جناب غفوری، دولتی و غیردولتی مراسملرده سرود اوقیش گروهلرگه اشاره قیلیب و محلی حکومتنی جماعهده دینسیزلیکنی رواجلنتیریش گه عیبلهیدی.
.jpg)
بیراق، فاریاب ولایتیده معارف ریاستینی سرپرستی پیکان حیدرینینگ سلاموطندارگه ایتیشیچه، هیچ بیر کیشی، هیچ بیر اداره و هیچ بیر گروه اهالینینگ مدنی حقیدن محروم قیله آلمهیدی.
شونینگدیک، مذکور ولایتده مدنی جماعهچیلیک ادارهسینی باشلیغی سید زینالعابدین نینگ ایتیشیچه، فاریاب ده عالملر کینگشی تامانیدن آلینگن قرار طالب چیلیکنی کورستهدی و بو موضوع بوتونلهی دولت یوتوقلریگه قرشی دیر. جناب زینالعابدین گه کوره، بو کینگش کوپینچه موضوع و مسئلهلرگه ارهلشهیدی و اوز باشیمچه شکلده، دولت نینگ اساسی قانونلریگه قرشی فتوا صادر قیلهدی.
