فرشته: مین تورلی و عجایت سنتلر قمراویده کته بولدیم. ایسیم گه کیلیشیچه، ایچیمده بولگن بوتون جوشقینلرگه قرهمهی، باشقهلردن مصلحت آلمهی قیلهدیگن یالغیز ایشیم کییم تنلب کییشیم دیر. او هم شهر یشاوچیلرینینگ ناتوغری سوزلری و گپ آتیشلری بیلن بیرگه بولهدی.
جماعهده حاکم بولیب آیاق و قولنی باغلهیدیگن بو سنتلر آرهسیده، مین ایسه اوز نوبم گه سنت نی سیندیردیم. عایلم گه قرشی توریب سیوگن ییگیتیم بیلن نشانلندیم. عین حالده، اوزیمیزنینگ نظریمیزده نشانلنگنیمیز عادی و رسمی ایدی، بیراق قرینداشلریمیز بیزگه اویلنگن کوزی بیلن قرهمسدی؛ چونکه بیزلر قوم و قرینداشلریمیزگه نان بیرمهگن میز.
هردایم تورموش اورتاغیمنی کوریب و او بیلن کوپراق بولیشنی ایستردیم؛ مین اونینگ قانونی تورموش اورتاغی ایدیم و فکریمچه تورموش قوریش مراسم یولگه قوییش گه نیاز یوق ایدی. تورموش قوریش مراسم نی کیچیک آلیش اوچون عایلم نی راضی قیلیش توغریسیده سعی و حرکت قیلردیم.
شونینگدیک، بیزلرنینگ عایلهمیز مین و نشانلیم بیرگه بولگنیمیزدن خبر ایدیلر. بیراق مین حامله بولگنیم دن سونگ، ایش بوزیلدی. نشانلی شرایطده کوتیلمهگن حاملهدیک اویقولب یاتگن هیولا سنلهدی. بو دورده یورگیم نی دردینی ایتهدیگن کیم سه یوق ایدی. قورقینچ ایسه بو مسئلهنی عایلم بیلن شریک قیلیش گه رخصت بیرمس ایدی. مینینگ ایسه بیرینچی کوندن آخرگچه یالغیز قویمهگن انسان نشانلیم ایدی.
نشانلهنیشدن آلدین، «وژمه» آتلی افغانی فیلم نی کورگن ایدیم. معصوم بولگن وژمه آتلی قیز عیاش بولگن بیر ییگیت نی سیوهدی. مذکور ییگیت وژمه نینگ سیوگیسیدن سوء استعمال قیلیب و او بیلن علاقه قورهدی و وژمه حامله بولگنیدن سونگ، اونی یالغیز تشلب قاچیب کیتهدی. اوندن سونگ، وژمه ناکام خودکشلیککه قول اورهدی. مین هم وژمه کبی یالغیز قالگنیمده نیمه ایش قیلیشیم توغریسیده اویلردیم.
نتیجهده عایلهمیز بو مسئلهدن خبر بولیشیدن آلدین، نشانلیم بیلن بیرگه بیر قابلهنی تاپیب و بالهنی توشیردیم.
او قضیهدن حاضرگچه نیچه ییل اوتگن و هردایم اویلهیمن و افسوسلنهمن؛ کاشک بالمنی سقلهگن بولسه ایدیم. نیمهدن قورقردیم؟ جماعهدن بولیشی ممکن.
