فضل خان بغلان ولایتی نینگ یشاوچیسی دیر. او نیچه ییل آلدین اقتصادی قیینچیلیک باعث ناقانونی مهاجرلیک آرقهلی تشقی مملکتلر تامان کیتیش گه نیت قیلهدی، بیراق مقصدی گه ییتیشمهیدی.
اونینگ ایتیشیچه، مکتب نی بیتتیرگندن کیین اقتصادی قیینچلیکلردن نجات تاپیش اوچون بیر قطار اورتاقلری بیلن اروپالیک مملکتلر تامان یول آلهدی.
فضل خان نینگ ایتیشیچه، قاچاقچیلر بیلن علاقه قورگندن کیین ترکیه تامان یول آلهدی. اونگه کوره، قاچاقچیلر او و اونینگ ۲۰ اورتاقی نی بغلان دن کابل کیلتیرهدی و کیین ایسه قندهار و او ییردن پاکستان نینگ توپراغی گه کیرهدیلر.
فضل خان و اورتاقلری ۸ ساعت پاکستان نینگ تاغلری و تپهلرده یول یوریدی و نهایتده پاکستان حربیلری نینگ قولیگه توشهدی. فضل خان نینگ ایتیشیچه: «درهلردن بیری گه کیردیک و او ییرده پاکستان حربیلری نینگ قولیگه توشدیک. اولر بیزلرنی قمروگه آلدی و کیین ایسه بیزلرنینگ کلتکلهدی. حربیلر بیزلرنینگ بیر موترگه جایلشتیریب و حبس بولیشیمیز خصوصیده آگاهلنتیردی. بیزلرنینگ یول نی یریمی گچه ایلتیب و قیتهدن آزاد قیلدیلر.»
اونگه کوره، پاکستان حربیلری اولرنینگ برچه بار و یوقی نی آلگن و اولر بوش چونتک بیلن ایران تامان یول آلیشگن.
او و اونینگ اورتاقلری ۳ ساعت دن آرتیق یول یوریب و ایکینچی مرته ایران حربیلری نینگ قولیگه توشگن و کوپینچه حقارت و کلتکلهنیشدن کیین اوز مملکتلریگه سورگون ایتیلگن.
فضل خان نینگ ایتیشیچه، سفری اوچون قرض آلگن پول نی حاضرگچه بیره آلمهگن.
اونگه کوره، باشقه بیر قطار دوستلری اروپا باریش اوچون اوی و موترلری نی ساتگن ایکنلر کیم اولرگه حاضرگچه هم قرضدار دیر.
فضل خان حاضر اقتصاد بولیمی نینگ اوقووچیسی دیر. او، مملکت یشاوچیلریدن ناقانونی مهاجرلیک آرقهلی سفر قیلمهسلیکلرینی سورهیدی.
مهاجر وزیرلیگی معینی داکتر عالمه نینگ ایتیشیچه، بو وزیرلیک ناقانونی مهاجرلیک نینگ آلدینی آلیش اوچون سعی و حرکت قیلهدی. اونگه کوره، ناقانونی مهاجرلیک آرقهلی قاچاقچیلر بیلن سفر قیلهدیگنلردن کوپینچهسی بالهلر و ییگیتلر دیر.
اونینگ کوپهیتیریشیچه، بو وزیرلیک میدیالر آرقهلی اهالی گه معلومات ترقهتیش برنامهلرنی باشلهگن و بو برنامه بیر آز فایدهلی تمام بولگن. او ناقانونی مهاجرلیک رقمی کوپهیشی نی یشاوچیلری نینگ معلوماتسیزلیگی دیگن.
مهاجرلیک معلومات مرکزی مصلحتچیسی فریحه جبارخیل نینگ ایتیشیچه، بو اداره اروپا بیرلیگی نینگ یاردمی بیلن ناقانونی مهاجرلیک نینگ خوفلری و ضررلری توغریسیده مملکت یشاوچیلریگه معلومات بیرهدی.
اونگه کوره، بو اداره بیلیمیورتلر، دولتی و خصوصی ادارهلر و مکتبلر آرقهلی ناقانونی مهاجرلیک توغریسیده معلومات ترقهتیش برنامهلرنی یولگه قویگن.
مهاجرلیک وزیرلیگی نینگ معلوماتی اساسیده، قویاش جاری ییلده کمیده ۴۰۰ افغانستانلیک مهاجر تورلی مملکتلر اینیقسه ایران دن مملکتده قیتگن. بو وزیرلیککه کوره، میلادی ۲۰۰۲- ییل دن بویان کمیده ۱۰ میلیون مهاجر مملکتده قیتگن.
بو ییللرده مملکتده سورگون ایتیلگن مهاجرلر ایچکی و تشقی نهادلر آرقهلی یاردم قولگه کیریتگن بیر حالده هم یمان وضعیت حیات کیچیرماقده.
افغانستان و ایران مملکتی آرهسیده امضالنگن ینگی کیلیشوونامه اساسیده، اوشبو مملکت افغانستانلیک مهاجرلرگه یشش قاغذی بیرهدی و مهاجرلر بو قاغذ نی قولگه کیلتیریش بیلن مذکور مملکت یشه آلهدی.
