افغانستانده حیات کیچیریش اوچون لازم امکانیت بولمهگنی سبب، کوپ قطار یاشلر اروپا مملکتلرگه حیات کیچیریش اوچون یولگه چیقیب و کوپقطار زوروانلیکلرنی تحمل قیلهدیلر.
اوشبو یاشلردن بیری مصطفی محمدی دیر. او رویالریگه قول تاپیش و تیینچ فضا ده حیات کیچیریش اوچون ناقانونی مهاجرت آرقهلی، اورپا مملکتلریگه باریشگه قرار قیلگن.
مذکور 16 یاشر یاش نینگ ایتیشیچه، عایلهسی اونینگ مهاجرلیگیگه راضی ایمس ایدی و نیچه مرته ناقانونی مهاجرلیک نینگ خطرلری خصوصیده معلومات بیرگن، بیراق مملکتده ایش بولمهگنی و ناتینچلیکلر کوپ بولگنی باعث، چیتایللیک مملکتلرده حیات کیچیریشگه مجبور بولگن.
حاضرده مصطفی نینگ مهاجرلیک حکایهسیدن 5 ییل اوتماقده، بیراق اونینگ ایتیشیچه، هیچبیر زمان ایران و اروپا مملکتلریگه باریش اوچون تارتگن زحمتلری فراموش بولمهیدی.
مصطفی نینگ مقصدی سویدنگه باریش ایدی و نیچه کون ایرانده قولگنیدن سونگ، ترکیه تامان یولگه چیقگن و ترکیه دن اورپا تامان حرکت قیلگن. او بو مدتده کوپینچه آچلیک و سووسیزلیکنی تحمل قیلگن.
مصطفی نینگ ایتیشیچه، ترکیه نینگ یولیده وحشتلی صحنهلرگه شاهد بولگن. اونینگ کوپهیتیریشیچه، ترکیه و ایران پولیسی نینگ مهاجرلرنی اوققه توتیشیگه گواه بولگن.
اونینگ ایتیشیچه، ایران و ترکیه چیگرهسیده کوپ قطار یاشلرنینگ جسدلرینی کورگن و اولردن کوپراغی افغانستان یشاوچیلری ایکن و اوشبو جسدلر اونینگ اوستیگه سلبی تاثیر قویگن و هرکیچه رویا سیگه کورهدی.
مصطفی ترکیهگه ییتیشگنیدن سونگ، یونان تامان یولگه چیقهدی. اونینگ ایتیشیچه، اولرنی انتقال بیرهدیگن کیمهگه 20 کیشی جای بولهریدی، بیراق 45 کیشی مذکور کیمه آرقهلی انتقال بیریلگن.
مصطفی، افغانستانلیک مهاجرلرنی انتقال بیرهدیگن کیمه نینگ سووگه چوککنینی اوز کوزی بیلن کورگن. اونینگ ایتیشیچه، سوونی بیلهدیگن کیشیلر قوتقریلگن، بیراق سوونی بیلمهدیگن کیشیلر جانلرینی قولدن بیرگن.
او، کوپ قطار قیینچیلیکلردن سونگ، سویدنگه ییتیشگن. اونینگ تاکید قیلیشیچه، هیچبیر زمان قاچاقچیلرنینگ سوزلریگه اعتماد قیلمهیش کیرهک.
مهاجرلیک معلومات مرکزی نینگ مصلحتچیسی فریحه جبارخیل نینگ سلاموطندارگه ایتیشیچه، ناقانونی مهاجرلیک نینگ خطرلری خصوصیده، اهالی نینگ معلوماتی بولمهگنی باعث، اولرگه قرشی ناگوار واقعهلر یوز بیرهدی.
خانم جبارخیل نینگ ایتیشیچه، یاشلر کوپینچه زحمت چیکنیدن سونگ اروپا مملکتگه ییتیشهدی، بیراق حیات کیچیریش اوچون لازم فرصتلردن فایدهلنه آلمهیدی.
مهاجرلیک وزیرلیگی سوزلاوچیسی سیدعبدالباسط انصاری نینگ ایتیشیچه، مکتبلر و بیلیم یورتلرده اوشبو وزارت تامانیدن معلومات بیریش برنامهلر یولگه قوییلگن. جناب انصاریگه کوره، اوشبو برنامهلر ناقانونی مهاجرلیک نینگ کمهیشیگه سبب بولگن.
مهاجرلیک وزیرلیگی تامانیدن بیریلگن آمارلرگه کوره، حاضرده 6.5 میلیون افغانستانلیک مهاجر، دنیا مملکتلریده حیات کیچیرهدی و بو جملهدن 500 مینگ تهسی اروپا مملکتلریده حیات کیچیرهدیلر.
ناقانونی مهاجرلیککه یوق دیینگ!
