مهاجرلیک انسانلرنینگ اوتمیشی و تقدیری گه باغلیق بیر پدیده دیر، بیراق بو پدیده سياسی، اجتماعی، فرهنگی و اقتصادی وضعیت و موقعیتلری اساسیده هر تورلی دیر.
اوتمیشلرده مهاجرلیک کوپراق اوروش و ناتینچلیککه باغلیق ایکن، بیراق حاضر ایش و تحصیل قیلیش زمینهلری هم اونگه کوپهیگن.
افغانستانلیک طلبه ضمیر، مقصدی گه ایریشیش اوچون هند گه تحصیل قیلیش گه قرار قیلهدی.
او، مکتب نی بیتیرگندن کیین قویاش 1394- ییلده کانکور سیناوی گه شرکت قیلهدی و نتیجهده کابل بیلیمیورتی نینگ علاقهلر و ژورنالیزم فاکولتهسیگه یول تاپهدی. بیراق او بو رشته گه قیزیقمهگن ایکن و او سوداگرلیک و اداره فاکولتهسیگه اوقیش مقصد ده ایکن.
او بو رشته گه قیزیقمهگن بیر حالده، اوچ سمستر نی اوتکزهدی و عین حالده بو پیتده باشقه بیر یول تاپیش اوچون سعی و حرکت قیلهدی.
ضمیر کوپینچه سعی و حرکتدن کیین هند نینگ بورسیهسیگه یول تاپیب و تحصیل اوچون مذکور مملکت گه بارهدی.
ضمیر ایستهگن رشتهسیگه تحصیل قیلیشدن خرسند دیر و حاضر هند نینگ دولتی بیلیمیورتلریدن بیری گه تحصیل قیلماقده. اونینگ ایتیشیچه، بو بیلیمیورت نینگ استعدادلی طلبهلریدن بیری دیر.
عالی اوقوو وزیرلیگی سوزلاوچیسی عزیزاحمد اوریاخیل، تحصیل اوچون مهاجرلیک نی یخشی بیر یول دیب ایتیشیچه، حاضر افغانستان طلبهلریدن کمیده 25 مینگ تهسی تشقی مملکتلرده لسانس، ماسترلیک و دکترا بولیملریده تحصیل قیلماقده.
مهاجرلیک معلومات مرکزی مصلحتچیسی فریحه جبارخیل مهاجرلیک نینگ یوللری توغریسیده ایتیشیچه، بو مرکز مهاجرلیک قیلهدیگن کیشیلرگه تورلی بستهلرنی تکلیف بیرهدی کیم اونگه ایش بستهلری، قیسقه زمانلی کورسلر و تحصیلی بورسلری شامل دیر.
خانم جبارخیل ناقانونی مهاجرلیک نینگ کوپ خرهجتلی و اوزون زمانلی دیب کوپهیتیریشیچه، تینچ و رویایی بیر حیات گه ایریشیش اوچون ناقانونی مهاجرلیک نی تنلهب و بو یولده 20 – 30 مینگ دالرنی صرفلهگن یشاوچیلر مقصد گه ایریشمهیدی و ایریشگن صورتده هم قیتهدن اوز مملکتلریدگه جونهتیلهدی، بیراق قانونی مهاجرلیک نی تنلهگن یشاوچیلر شو مقدار پول گه مهاجرلیککه علاوه تحصیل نی هم یکونلنتیریشلری ممکن.
ظفر مومند
