نورآقا آتلی باله، 14 یاشیده بولگن؛ بیراق شونچه یاشیده تورت مرته مهاجرلیکنی ایران گه تجربه قیلگن. حاضر ایسه هرات شهری نینگ انصار اردوگاهیده حیات کیچیرهیاتگن نورآقانینگ ایتیشیچه، سونگی مرته بیر هفته آلدین ایران پولیسی تامانیدن سورگون ایتیلگن.
نورآقانینگ یوزیده بولگن یارهلر ایران پولیسی آرقهلی کلتکلنگنیدن حکایت قیلهدی. نورآقا ایران گه قیلگن ناقانونی مهاجرلیکنی اچیق تقدیریدن سوزلهیدی. قشاقلیک و کمبغللیک باعث، اوچ ییل آلدین، ابهسی نینگ اویغونلیگیده بیر قاچاقچی بیلن ناقانونی مهاجرلیککه قول اورهدی، بیراق یولده جنسی زوروانلیککه دوچ کیلیب و نیچه مرته اولیم گه تهدید بولهدی.
ناقانونی مهاجرلیکدن اچیق تجربه گه ایگه بولگن یالغیز باله نورآقا ایمس دیر. سلیمان ایسه نورآقادن بیر یاش کته بولگن. او، کوپینچه قیینچیلیکلرنی تحمل قیلیب ایران گه تامان یول آلگن. اونینگ ایتیشیچه، ایران ده اوتکزگن اوچ آیی تیریکچیلیگی نینگ اینگ قارانغو دورانی بولگن. سلیمان شونچه مدتده آغیر ایشلر بیلن شغللنگن و اونینگ ایتیشیچه، کتهلر قیلگن آغیر ایشلرنی او هم قیلگن.
اوشبو نازک تنهلی بالهنینگ ایتیشیچه، کیچیکلیگیده آتهسینی قولدن بیرگن و عایله اعضالری نینگ قارنینی تویدیریش اوچون مکتب نی ترک قیلیب و ایران گه تامان یول آلگن. ایران ده آغیر ایشلر بیلن شغللنگنی باعث، سلیمان 15 یاشیده بیل آغری گه چالینگن.
افغانستانده اوروش، کمبغللیک و ایشسیزلیک باعث، عایلهلردن کوپینچهسی یاشلر و بالهلرنی مهاجرلیککه تشویق قیلیشهدی.
نورآقا و سلیمان نینگ ایتیشلریچه، بالهلر و یاشلردن کوپینچهسی اروپایی مملکتلرگه قیلگن مهاجرلیک جریانیده، ایران اردوگاهلریده کلتکلنیب و قیناققه سالینهدی.
هرات ولایتی بوییچه انسان حقوقی ایرکین کمیسیونی نینگ ساحهوی دفترینی بالهلر بولیمی مسؤولی ملکه رسولی، ناقانونی مهاجرلیک یولیده بالهلر جنسی زوروانلیککه دوچ کیلیشیدن خواطر بیلدیریب ایتیشیچه، بو بالهلردن بیرقطاری مهاجرلیک جریانیده کورگن قیینچیلیکلر باعث، روحی کسللیککه چالینهدیلر.
هرات ولایتیده انصار اردوگاهی مسؤولی عینالدین اسلمی، مهاجر بولیشگن اوسمیرلر و بالهلر برابریده بولگن قیینچیلیکلرنی تصدیقلب ایتیشیچه، اولر بو موضوعلردن یامان واقعهلرگه گواه بولیشگن.
مهاجرلر و باشپناه ایزلاوچیلر ادارهسینی مسؤولی احمدجاوید نادم نینگ سلاموطندارگه ایتیشیچه، جاری قویاش ییل باشلنگنیدن بویان 2349 باله ایراندن سورگون ایتیلگن. اونینگ، جنسی زوروانلیککه دوچ کیلگن بالهلر توغریسیده ایتیشیچه، بو توغریده تیکشیروولر دوام ایتماقده.
هرات محلی ادارهسی نینگ ایتیشیچه، اوشبو ولایت نینگ چیگره کوچلری گه انسان قاچاقچیلری بیلن جدی شکلده یاندهشیشلری توغریسیده بویروغ بیریلگن.
مهاجرلیک خلق ارا تشکیلاتی یا-ده «آیاوام» تامانیدن بیریلگن معلومات اساسیده، سونگی آلتی ییلده افغانستان نینگ هر اوچ یشاوچیسیدن بیری مهاجرلیککه قول اورگن و اولردن 48 فایزی ایران، 31 فایزی پاکستان و 9 فایزی سعودی عربستان کیتیشگن.
شو توغریده…
ناقانونی مهاجرلیک؛ 17 یاشیده بولگن ییگیت دایمی شکلده ناگران بولدی
