سیماسی قیغو و الملی کورینهدی. اونینگ ایتیشیچه، حیات دوامی اوچون هیچ بیر سبب یوق دیر، چونکه برچه اونگه «یمان»کوزی بیلن قرهیدی. شو یوزهدن او اوزینی قیلمهگن جرم قربانی بیلهدی.
45 یاشر ملکه آتلی عیال جنسی زورهوانلیککه قربان بولگن، حاضر یوز بیرگن واقعهدن تورت ییل اوتگن و قضیهسی تیکشیریلمهگن. امیدسیزلیک، اقتصادی وضعیت یمانلیگی و عیال بولگنینی باشیده کیلگن برچه بلالرنی عاملی دیب بیلهدی. قضیهسیگه قضایی ادارهلر دقت سیزلیگی، اونینگ حیاتدن زیریکتیرگن و حاضر تورلی یوللر بیلن خودکشلیککه فکر قیلهدی.
ملکه، قیغولی سیما و اویتلی کوزی بیلن حکایهسینی بوندهی باشلهیدی: «ورس گه کیلگنیمیزده اونچه زمان اوتمهگن. بو ییرنینگ مینگلرچه یشاوچیسی کبی، ایکینچیلیک ییرلری اوستیگه ایش قیلهمیز. تورموش اورتاغیم یالغیزلیکده ایکینچیلیک ایشلرینی آلغه آلیب بارهآلمهیدی؛ کوپینچه پیتلر اونگه یاردم بیریش اوچون، مین هم ییرلرنی اوستیگه باریب و اونینگ یانیده ایش قیلهمن.» ملکهنینگ ایتیشیچه، هیچ قچان اویدن تشقری ایشلهماق کونلردن بیرکون حیاتیم نابود بولیشی گه سبب بولیشینی بیلمس ایدیم.
بغضی بوغیلیب و ییغلب ایتیشیچه، حیاتیم برباد بولدی، بیراق حاضر اوزلری خرسند و خیالسیز حیاتلریگه دوام بیرهدیلر. او، حقیگه بولگن ظلم توغریسیده سوزلشدن اویهلهدی؛ ایتیشیچه، قوم و خویشلری تامانیدن رد ایتیلگن، چونکه اولر یوز بیرگن قضیهنی ننگ و اویت دیب بیلهدیلر.
تورت ییل آلدین تشناب ده کورگن بیگانه ایرککنی ایسیگه آلسه ملکهنینگ وجودی دهشت بیلن قاپلنهدی و حاضرگچه کوزلریده او دهشت کورینهدی. او ایرکک اوندن نیمه ایستردی؟ تشناب گه بیلمسدن کیرگن بولسه کیرهک، یا-ده تشنابده کیمسه یوقلیگینی توشونگن. بو توشونچهلر برق کبی ملکهنینگ باشیدن کیچهدی. اوزبی بیلن خدا-خدا دییدی و بیگانه کیشی اونی کورگنیدن سونگ، تشنابدن چیقیب کیتسه. بیراق، برچه نرسه اونینگ توشونچهسیگه قرشی یوز بیرهدی: او ایرکک رحمسیزلیک بیلن ملکهنینگ قولی و بغضینی بوغیب و اوندن سونگ، اونگه تجاوز قیلهدی. ایرکک کیتهدی، بیراق ملکه چیگل کیلهجک، امیدسیزلیک و قیغولی دنیا بیلن قالهدی.
حاضر اوشه یمان کوندن تورت ییل اوتهدی، بیراق ملکه حاضرگهقدر اوشه لحظهلرده قفل قالگن. حاضرگچه او اویقولگن چاغیده، مذکور شفقتسیز کیشینینگ سیماسی اونی مقابلیده کورینهدی و کوزیدن اویقونی آلهدی. ملکه حاضر کیمسه سیز و باش پناه سیز بولگن، بیراق ملکهنینگ تورموش اورتاغی حسینداد اوزینی تورموش اورتاغیدن کوره باش پناه سیز حس قیلهدی. حسیندادنینگ غیرتی و غروری آیاق آستی بولگن. او، هردایم اونگیده تورموش اورتاغیگه حرمت سیزلیک قیلگن کیشینی کورهدی؛ اونی تانیدی، بیراق برابریده هیچ نرسه قیله آلمهیدی.
حسینداد یوقاری اوف تارتیب ایتیشیچه، هیچ کیم بیلن دوشمنلیک قیلمهگن؛ تیریکچیلیگی بیلن مصروف ایکن، یالغیز جرمی توغریلیک و صداقت ایکن و حیاتینی دوامیده باشقهلردن کوره ایلگری یوررکن. اونینگ ایشی دکاندارلیک دیر. ایتیشیچه، یشاوچیلردن کوپ فایده آلیشنی ایستمهیدی. اونینگ بو ایشی محل زورهوانلرینینگ اچیقلنیشیگه سبب بولگن، چونکه اولر مشتریلرینی قولدن بیرگن.
حسیندادنینگ ایشانچیگه کوره، عبدالواحد قیشلاق زورهوانلریدن بیری دیر و اوندن انتقام آلیش اوچون، تورموش اورتاغینی جنسی زورهلگن. حسینداد بو حادثهدن سونگ، تینچ تورمهیدی. او، قولیده بولگن حجتلر بیلن عدلی و قضایی ادارهلرگه مراجعت قیلهدی، بیراق بو ادارهلر هم نتیجهده اونی یالغیز تشلهگن.
ملکه و تورموش اورتاغی تورت ییلدن بویان هر ایشیکده مذکور واقعهنی ایزلش اوچون کابلدن بامیان گه و بامیان دن کابل گه کیتهدیلر، بیراق برچه ایشیکلر یوزلریگه یاپیق کورینهدی و دوسیه توختهتیلگن. حسیندادنینگ ایتیشیچه، برچه اسناد و حجتلر تورموش اورتاغی جنسی زورلنگنینی اثباتلهیدی و جنایتچی هم قیلگن جرمینی بوینیگه آلگن، بیراق بو حجتلر بامیان دستلبکی محکمهسیگه تاپشیریلگنده، بیر بولیمی نابود ایتیلهدی و عبدالواحد جنسی زورهوانلیککه عیبلنیش اورنیگه شخصی منزل گه حرمت سیزلیک قیلیش جرمیگه 5 مینگ افغانی نقد جریمه توللشگه محکوم بولگن.
ملکهنینگ ایتیشیچه، اچیق واقعه یوز بیرگنیدن نیچه کون اوتگنیدن سونگ، عبدالواحد ینه بیر کیچه اونینگ اویی گه کیریب و ایتیشیچه، ایکینچی مرته اونگه تجاوز قیلیشنی ایستهیدی. ملکهنینگ تورموش اورتاغی عبدالواحدنینگ کوزیدن یاشیرین بو موضوع نی پولیسگه ایتهدی و عبدالواحد قولگه آلینهدی.
دستلبکی محکمه تدقیقات اوتکزگنیدن سونگ، جنایتچی جنسی زورلشگه اعتراف قیلیب و ملکهنینگ اویی گه باریشدن مقصد جنسی زورلش دیگن بیرچاغده، جنسی زورلش دوسیهسینی شخصی منزل گه حرمت سیزلیککه اوزگرتیرگن.
بامیان ولایتینینگ دستلبکی محکمه ریاستی و مذکور ولایتنینگ عمومی جزا محکمهسی 1393- ییل، باش قارهلاوچیلیککه یازگن 9/8 رقملی مکتوبده کیلیشیچه: «کیچه ساعت 10 اطرافیده، ملکهنینگ تورموش اورتاغی بامیان ولایتینینگ ورس تومنی اهالیسی حسیندادنینگ معلوماتی اساسیده، پولیس، ملی خوفسیزلیک نمایندهسی و ورس تومنی قارهلاوچیسی واقعه محلی ده حاضر بولیب قضیه گه عیب لنگن عبدالواحدنی قولگه آلیب و اوستیدن تدقیقات اوتکزیلیشی اوچون ورس تومنی دستلبکی قارهلاوچیلیگیگه تاپشیرهدی. قارهلاوچیلیک تدقیقات اوتکزگنیدن سونگ، ملکه بولگن جنسی زورهوانلیک قضیهنی شخصی منزل گه حرمتسیزلیک تشخیص قیلیب و جزا قانونی 431-مادهسی اساسیده، عبدلواحدنینگ اوستیگه جزا چیقارهدی.»
امیدسیز بیلن ملکهنینگ ایتیشیچه، دوسیهسیگه قول اوریلگن و حمیدالله آتی قارهلاوچی عبدالواحد بیلن شخصی علاقهده بولگنی باعث، جنسی زورهوانلیکدن دلالت بیرهدیگن برچه حجت و «میموری کارت»نی دوسیهدن چیقارگن. ملکه گه کوره، عبدالواحد منطقهده تانیقلی، نفوذلی و ثروتمند کیشیلردن بیری دیر و پولی بیلن حمیدالله آتلی قارهلاوچینی ساتیب آلگن.
شونینگدیک، قویاش 1395/7/14 تأریخیده 35/69 رقملی مکتوب و بامیان ولایتینینگ شهری محکمه جزایی قراریده یازیلیشیچه،: «قویاش 1395/7/15 تأریخیده قاسم موحدینینگ قضایی ییغینیده، اوغیرلنگن حجت تیکشیریلیب و قرار اساسیده، عیب لنگن حمیدالله آتلی قارهلاوچی ضمانت اساسیده، قوییب یوباریلگن.»
بیراق، قویاش 15/8/1396 تأریخیده جمهورلیک ریاستی اداری ایشلر بوییچه ریاست دفتری تامانیدن باش قارهلاوچیلیککه یازیلگن 2377 رقملی مکتوبده کیلیشیچه: «بامیان ولایتی ورس تومنی اهالیسی ملکه آتلی عیال اوچ ییل آلدین، جمهورلیک ریاستیگه بیر عریضه قیلیب محلی زورهوانلردن بیری و بامیان ولایتینینگ ورس تومنی اهالیسی عبدالواحد آتلی کیشی تامانیدن جنسی زورلنگنینی ایتگن، بیراق محکمهده واقعیتگه قرشی اثباتلنگن، (عین حالده، دوسیه نی ایچیدن جرم حجت لری یوقالگن)، جنسی زورهوانلیککه عامل عدلی و قضایی شکلده تیکشیریلیب و دوسیه دوران ایتیلیشی و قانونی اجراآت بولیشی اوچون یوللندی.»
عین حالده، مدافعه وکیل و انسان حقلری کمیسیونینینگ بامیان ولایتیدهگی مسؤولی حکیمه علیزاده، دوسیه معلوماتلرینی توپلش چاغیده تومنده بولگنینی بیلدیرهدی. اونینگ ایتیشیچه، مذکور دوسیه حجتلری یوقالگن، شو یوزهدن باش قارهلاوچیلیک بامیان ولایتینینگ محکمهسی تامانیدن مسؤول تانیلیب و نقدی جریمه بیریشگه عیبلنگن.
بیراق بامیان ولایتینینگ باشقرلاوچیلیک باشلیغی سلطانعلی سروشنینگ ایتیشیچه، ملکهنینگ دوسیهسی گه یتیشیش روندی اداغ تاپکن و حجتلر یوقلیشی خصوصیده باشقرلاوچیلردن بیری مسوول تانیلیب بامیان بیرنچی محکمهسی تامانیدن نقدی جریمه بیریشگه عیبلنگن.
بامیان ولایتینینگ باشقرلاوچیلیک باشلیغیگه کوره، ملکهنینگ دوسیهسی حجتلریدن بیرقطاری یوقلگنی سبب توختهتیلیب قویلگن و اوشبو عمل گه قرگنده ملکهنینگ دوسیهسی سرنوشتسیز قولگن.
عین حالده حقوق بیلرمانلر و نماینده لر کینگشی اعضالریدن بیرقطارینینگ ایتیشیچه، جینایتچیلر اوستیده محکمهنینگ حکمینی عملی ایتیش خصوصیده عدلی و قضایی نهادلرنینگ ارادهسی یوق دیر. دوسیهلر قراری تعیین ایتلگن چاغده عملی بولیشی خصوصیده اوشبو نهادلرنی کوچسیزلیککه عیبدار ایتکنلر.
ملکه 4 ییلدن بویان یمان وضعیتگه قرار تاپکن بیرحالده، اونینگ برابریده یوز بیرگن جنسی زورهوانلیک دوسیهسی قولمهقول بولهدی. ملکهگه کوره، عیاللر جنایت قیلمهگن بیرحالده هم افغانستانده هردایم جنایتچی حسابلنهدی، ملکهنینگ ایتیشیچه، تیزلیکده دوسیهسیگه دقت قیلمهگن حالده، اوزینی اولدیرهدی، چونکه تیریک قالیش اوچون هیچ سبب یوق دیر.
بیرینچی مرته ایمسکه دولت رسمیلری و زورهوانلر قانون گه قرشی، جنسی زورهوانلیک و اهالینی کیلتکلشگه عیبلنهدی. ملکه گه آخشیدیگن کوپنچه عیاللرحقلری آیاقآستی بولیشی و دولت نینگ دقتسیزلیگی سبب حیاتیگه سون بیریب یا-ده باشقهلر تامانیدن حیاتلریگه سونگ بیریلگن. بیراق حاضرگچه بونگه اوخشهگن دوسیهلر ییترلیچه تیکشیریلمهی و کوپینچه جنایتچیلر محکمه بولمهگن.
