حبیب عظیمی (مستعار آت) 11- صنف اوقووچیسی ایدی، کمبغللیک و طالبان نینگ حضوری باعث، ناقانونی مهاجرلیک آرقهلی ایران مملکتی تامان باریشگه قرار قیلهدی. او میدانوردک ولایتی نینگ سیدآباد تومنی یشاوچیسی ایدی.
عظیمی، ایرانگه باریش مقصد ده، بیرینچی دن پاکستان نینگ کویته شهریگه بارهدی. ییترلیچه پولی بولمهگنی باعث، ایرانگه بارگنیدن سونگ، پول بیریشی خصوصیده قاچاقچی بیلن کیلیشهدی. او ایران یولیده کوپقطار قیینچیلیکلرنی تحمل قیلهدی.
قاچاقچی حبیبنی موترسایکل آرقهلی ایرانگه آلیب بارهدی. او بیرینچیدن ایران نینگ تفتان شهریگه انتقال بیریلهدی.
عظیمی نینگ ایتیشیچه، ایرانلیک قاچاقچیلر او و همراهلرینی «پیکب» موترده بوجی کبی آرتیب و اوستیگه ترپال تارتگن و ترپالنی اوستیگه باشقه و یوکلرنی جایلشتیرگن.
حبیب و همراهلری ایران نینگ زاهدان شهریگه بارگنیدن سونگ، تخریب بولگن بیر مکانده جایلشتیریلهدیلر، بیراق مذکور مخروبه نینگ قوشنیسی آگاه بولیب پولیسگه خبر بیرهدی.
اونینگ کوپهیتیریشیچه، ایران پولیسی اولرنینگ آتلرینی رویخط گه آلگنیدن سونگ، «دل سیاه» ناملی بیر کمپگه انتقال بیرهدی و او ییرده 14 کون قماققه قالهدیلر. عظیمی نینگ ایتیشیچه، کمپده هرکون هر بیر کیشیگه بیر بولهک قوروق نان بیریلهریکن و قوروق نانگه قطار مادهلر قوشیلگنی باعث، ییگن کیشیلر کسل بولهریدیلر.
حبیب نینگ ایتیشیچه، ایران پولیسی او و همراهلرینی دل سیاه ناملی کمپگه انتقال بیرمسدن آلدین باشقه بیر جایگه آلیب بارگن و کانتینرگه محبوس قیلگن. اونینگ ایتیشیچه، مذکور جای کیچه تاماندن ساووق و کندوز تاماندن ایسیق ایکن.
اونینگ کوپهیتیریشیچه، دل سیاه کمپیده او و همراهلری محبوس بولگن اتاق تولهایدی و حتا ایاقنی اوزهتیب بولمس ایدی و کوپ قطار همراهلری کسل بولگن. عظیمیگه کوره، 24 ساعت جریانیده بیر مرته حاجتخانه باریش اوچون رخصت بیریلهریدی و کمپ حاجتخانهلری تازه ایمس ایدی.
حبیب عظیمی نینگ ایتیشیچه، حاجتخانه بارگندن سونگ، میدانده قوروق نان قویلهریدی و قوللریگه تیمور میله بولگن پولیس تامانیدن توزیع قیلینهریدی و هر کیمنی بیر نان آلیش اوچون حقی بار ایدی.
اونینگ ایتیشیچه، ناننی ییش پیتیده مهاجرلردن بیری پولیس تامانیدن کلتکلنهریدی و سیسینی او و باشقه همراهلری ییشیتهریدی.
حبیب و همراهلری 14 کون کمپگه قالگنیدن سونگ، افغانستانگه سورگون قیلینگن و اولر بیرکون ایرتهدن چاغیده، افغانستانگه انتقال بیریلگن.
عظیمی نیمروز گه کیلگن بیرحالده، چارهسیزلیک باعث قیتهدن ایران کیتیش گه قرار آلهدی. اونینگ ایتیشیچه، افغانستان و آنه یورتی گه قیتگن صورتده، طالبلر اونینگ اوشلب اوروش جبههسیگه یوباریشی ممکن ایدی.
او، نیمروز ده بیر قاچاقچی نی تاپیب و قیتهدن اورتاقلری بیلن ایران کیتهدی. اولر ایران گه ییتیشگن بیرچاغده قاچاقچی ۱۰ کیشی نی ایکی تاکسی موتری نینگ آلدینگی سیتی گه و باشقه ۳ کیشی نی بو موترلرنینگ دالهسیگه جایلشتیرهدی.
اولر بیش ساعت نی کم آکسیجن بیلن مذکور موترلرگه اوتکزهدی و اولر بو جریانده نیچه مرته «آکسیجن یوق، نفسیمیز قیسیلدی» دیب سیسلنهدی، بیراق هیچ کیم اولرنینگ سیسی نی ایشیتمهیدی.
حبیب نینگ ایتیشیچه، هوا نینگ ایسیقلیگی باعث موترلر پنچر بولدی و شونینگدیک هیداوچی موترنینگ تایری نی اوزگرتیریش اوچون اولرنینگ کویدیرهدیگن دشت و صحرا گه قوییب یوبارگن.
اونگه کوره، بیر قطره ایچیملیک سوو یوق ایدی. شونینگدیک هیداوچی هم اولرگه سوو بیرمهس ایدی و شو یوزهدن اولردن قطاری نی هوا ایسیقلیگی کسل قیلدی.
عظیمی تهران گه ییتیشگندن کیین ایش تاپیب و ۳۵ کون بیر بنا گه ایشلهیدی، بیراق ایش ایگهسی اونینگ پولی نی بیرمهگن. حبیب عظیمی ایران ده تورت ییل یشهگنیدن کیین قویاش ۱۳۸۳- ییل گه مملکتده قیتگن.
مهاجرلیک معلومات مرکز مصلحتچیسی فریحه جبارخیل نینگ سلاموطندارگه ایتیشیچه، اهالی نینگ ناقانونی مهاجرلیک توغریسیده خبرسیزلیکلری، بوندهی قیینچیلیکلرگه سبب بولهدی.
خانم جبارخیل گه کوره، نهایتده بیرار کیشی ایستهگن مملکتی گه ییتیشگن بیرحالده هم حیات ترقیاتی اوچون ییترلی فرصتلردن فایدهلنمهیدی.
مهاجرلیک وزیرلیگی مصلحتچیسی سیدعبدالباسط انصاری نینگ ایتیشچه، افغانستان حکومتی ناقانونی مهاجرلیک نینگ آلدینی آلیش اوچون معلومات بیریش برنامهلرنی قولگه آلگن و شونینگدیک بو وزیرلیککه ۵۵۸۸ معلومات مرکز تماس رقمی مجانی شکلده آچیلگن.
جناب انصاری گه کوره، افغانستان حکومتی ناقانونی مهاجرلرنینگ قیینچیلیکلریدن خبر دیر و شو یوزهدن ییگیتلرگه معلومات بیریش اوچون کوپینچه سعی و حرکت قیلهدیلر.
مهاجرلیک وزیرلیگی مصلحتچیسی نینگ کوپهیتیریشیچه، بو وزیرلیک مملکتده قیتگن مهاجرلرگه یاردم ییتکزیش توغریسیده هیچ بیر ایش قیله آلمهیدی.
ناتینچلیک و قشاقلیک باعث مملکت یشاوچیلریدن قطاری اولکه نی ترک قیلیشهدی. عایلهلر یخشی کیلهجک اوچون فرزندلری نی تشقی مملکتلرگه یوبارهدی، بیراق اولر مهاجرلیک یولیده فرزندلری قنچه قیینچیلیککه دوچ کیلیشی نی بیلمهیدیلر.
شونینگدیک بعضن ییگیتلرنینگ مهاجرلیگی گه عایلهلری نینگ هیچ بیر نقشی یوق و اولر بو توغریده اوزلری قرار بیرهدی.
