سونگی آیلر و هفتهلر افغانستان یشاوچیلری اوچون ناراضلیک نمایش یولگه قوییش و دادخواهلیک قیلیش آیی ایدی. سونگی بیر آیده ایران ده افغانستان یشاوچیلری یمان کونلر بیلن دوچ کیلیب و یمان وضعیتلرنی باشدن کیچیردی. کمیده بیر آی آلدین افغانستان مهاجرلریدن قطاری ایران پولیسی آرقهلی هیرمند دینگیز گه تشلندی و اولردن قطاری بو حادثهده جان بیردی. ینگیلیکده افغانستان یشاوچیلری مینیلگن بیر موتر ایران پولیسی تامانیدن اوت بیریلدی کیم نتیجهده، 3 کیشی هلاک و باشقه 5 کیشی ایسه یرهلندی.
ایران ده یشهیدیگن افغانستان یشاوچیلری کوپ پیتلردن بویان یمان حیات کیچیریب کیلماقده.
ایران دن بامیان ولایتیده کیلگن قطار عایلهلرنینگ ایتیشلریچه، دستلبکی خدمتلرگه قول تاپه آلمهسلیک، پولیس نینگ یمان توقنشووی و مهاجرلر اینیقسه افغانستان مهاجرلری برابریده ایران حکومتی نینگ قتیق قانونلری اولرنینگ قیتهدن اولکه گه قیتیش گه زورلنتیرگن.
اولرگه کوره، ایران ده یشهیدیگن افغانستان مهاجرلری مذکور مملکت حکومتی و اهالیسی آرقهلی حقارت بولهدیلر و ایش و تحصیل قیلیش اوچون هیچ کیم گه رخصت بیریلمهیدی.
افغانستان گه قیتگنلردن بیری نینگ سلاموطندارگه ایتیشیچه، ایران دولتی مهاجرلرنینگ خوفسیزلیگی تأمینلنیشی اوچون هیچ بیر ایش قیلمهگن. ایران یشاوچیلری ایش قیلهدیگن مهاجرلرنینگ حقوقی نی ییب و بعضن هم اولرنینگ اولدیرهدیلر.
ییللرچه مملکتدن تشقی حیات کیچیرگن آمنه نینگ ایتیشیچه، نانوالیک صفیده حقارت گه دوچ کیلیب و فرزندلریمیز اوقیتووچیلری نینگ یمان مناسبتی بیلن درس اوقییدی و شونینگدیک بیزلر گاوجوم ییرلرده «افغانی آشغال» نامی ده خطاب بولهمیز.
مذکور عایلهلر مملکتده قیتگن بیرحالده، کرونا ویروسی هر بیر عایلهدن قربانی آلماقده. شونینگدیک اولر حیات نینگ دستلبکی امکانیتلریگه قول تاپه آلمهی و یمان بیر وضعیت گه حیات کیچیرهدیلر.
مهاجرلردن قطاری نینگ ایتیشلریچه، مهاجر حجتسیز ایش قیله آلمهیدیلر و هر کون پولیس اولرنینگ مملکتدن چیقارهدی.
ایران پولیسی آرقهلی ینگیلیکده مذکور مملکتدن چیقاریلگن غضنفر نینگ ایتیشیچه: « اسلامی جمهوریتی نینگ پولیسلری بیزلرنینگ سوزلریمیز گه قولاق سالمهیدیلر. افغان! دهنت را ببند، دیدیلر.»
بامیان مهاجرلر آمری نجیبه معصومی نینگ ایتیشیچه، کرونا ویروسی کینگهیگنیدن کیین، ایران، پاکستان و ترکیه مملکتلریدن کمیده 2 مینگ مهاجر زوردن مملکتده جونهتیلگن.
خانم معصومی گه کوره، شونینگدیک سونگی 3 آیده کمیده 4 مینگ عایله باشقه ولایتلردن بو ولایتده کیلگنلر.
بامیان مهاجرلر آمریتی نینگ ایتیشیچه، ینگیلیکده مملکتده قیتگن مهاجرلردن کوپینچهسی مذکور ادارهدن یاردم سورهش گه علاوه ایران اسلامی جمهوریتی و پولیسیدن شکایت قیلیشهدیلر.
