.jpg)
نسیم ابراهیمی: هردایم حیات نامهلرنی اوقیب یوتوقلی و مدبر سیمالر بیلن روپهره بولهمن. ایش قیلیب و زحمت چیککن کیشیلر ایستهگن مقصدلریگه ایریشگنلر. مین هم بیر خبرچی صفتیده، ایش توغریسیده نیچه حیاتنامه یازدیم؛ بیراق یوتوقلی و دنیا بوییچه شهرت قازانگن کیشی صفتیده ایمس. مقصدیم بختسیز و یوتوققه ایریشمهگن کیشی بیلن صحبت اوتکزیش ایدی. هر ییرنی ایزلهدیم، کیمسه تاپیلمهدی. نتیجهده اوزیم بیلن صحبت قیلیب و اوزیمدن سوزلهشیم توغریسیده قرار قیلدیم.
مینینگ جسمیم کیچیک و نازک دیر؛ بیراق هردایم کته آیدیا و توشونچهنی ایزلهیمن. دیمک مینینگ کورینیشیم و حیاتیم هیچ بیر قالبده سیغمهیدی و اونینگ کته بولیمی طنز و کمدیه بیلن باغلیق بولیب قالگن. طنز دیدیم، چونکه کولگولی دیر. ساعتلرچه بازارده یوریب یاشینگگه مناسب بیر نرسه تاپیلمسه و بالهلیک کییم و آیاق قابی آلیشگه مجبور بولسنگ کولگولی دیر؛ او هم چنداول لیلامی بازاریدن تاپیلهدی.
دیمک، سودا و ساتیق عادی قیینچیلیکلردن بیری دیر. تیکووچیلر و آیاق قابی تیکهدیگنلر مینینگ جسمیمنی کوریب نیمه ایش قیلیشلرینی بیلمهیدیلر. شو یوزهدن هر بیر مرته نیچه جوره کییم و آیاق قابینی بیردیک ساتیب آلهمن؛ چونکه ینه بیربار بوندهی نرسه تاپه آلمهسیم نی توشونهمن.
.jpg)
عین حالده، باشقهلرنی بیلمهیمن، بیراق مین ایسه اوزیم بیلن کیلیشیب و اوزیمنی قبول قیلدیم. اوزیمنینگ مغلوب کیشی دیب توشونهمن؛ چونکه ایستکلریم کوپ، بیراق هیچ بیری عملگه آشیریلمهگن. لیکن اطرافیمده بولگن کیشیلر مینگه یوقلی بیر کیشی صفتیده قرهیدیلر. بیلیم یورتده فرانسوی تیلینی اورگنگن و فارسی، پشتو و انگلیسی تیللریده بلد دیر.
مین حاضر خبرچی و بامیان بیلیم یورتیده اوقیتووچی من. حاضرگچه فرانسوی تیلیدن ایکی کتابنی فارسی تیلی گه ترجمه قیلگن من و باشقه بیر کتاب هم ترجمه آستیده دیر.
مینینگ حیاتیم بوتونلهی فرقلی و جذبهلی دیر و مینینگ فکریمچه اهالی کوپراق کورینیشیمگه قرهیدی، مینگه یاردم بیریشنی ایستهیدیلر و قولیلیکده ایلگری بارماغیم کیرهک.
