نیمروز حاکمی سید ولی سلطان، مذکور ولایت نینگ چیگرهچیلرینی مخدره ماده و باشقه توارلرنینگ قاچاقی آلدی آلینیشیده بیفرق یاندهشیش گه عیبلب ایتیشیچه، بو کوچلرنینگ دقتسیزلیکلری قبول قیلینمس دیر.
نیمروز حاکمی نینگ آگاهلنتیریشیچه، مذکور ولایت نینگ چیگرهلریده قاچاق خبری اونگه ییتیشگن صورتده، چیگره کوچلرینی قارهلاوچیلیککه تانیشتیرهدی.
شونینگدیک، نیمروز حاکمی بو ولایتده مخدره ماده گه قرشی کورهش پولیسی نینگ دقتسیزلیگیدن تنقید قیلیب ایتیشیچه، نیمروز ده مخدره ماده ساتووچیلرنینگ میزانی آشگن.
عین دمده، نیمروز ولایت کینگشی نینگ اعضاسی نعمتالله صدیقی، اوشبو ولایت چیگرهلریده مخدره ماده قاچاقیدن خواطر بیلدیریب ایتیشیچه، ایران بیلن بولگن چیگره آچیقلیگی و چیگره کوچلری نینگ کملیگی باعث، بو ولایت مخدره ماده ترانزیتی گه اوزگرگن.
شونینگدیک، نیمروز ولایت کینگشی نینگ اوشبو اعضاسی، چیگره کوچلری نینگ دقتسیزلیگی و بو کوچلردن بیرقطاری مخدره ماده قاچاقچیلریگه همکارلیک قیلیشلرینی تصدیقلیدی.
نیمروزده چیگره کوچلری مسؤوللریدن بیری آتی فاش ایتیلیشینی ایستمهی سلاموطندارگه ایتیشیچه، نیمروزنینگ ایران بیلن 230 کیلومتردن کوپراق قوشمه چیگرهسی بار و بو چیگرهنی کوپینچه قسمتلریده هیچ بیر پوسته یوق دیر.
اونگه کوره، چیگره کوچلری آزلیگی باعث، ایران بیلن بولگه قوشمه چیگرهنی بوتونلهی نظارت قیلیب بولمهیدی.
عین حالده، نیمروز ولایتی نینگ پولیس قومندانلیگیده مخدره ماده گه قرشی کورهش مدیری احسان احسان نینگ ایتیشیچه، اوتگن 4 آیده 155 کیشی 164 قاچاق قضیهسیگه عیبلنیب توتقونگه آلینگن و بو ایسه مخدره ماده قاچاقی گه قرشی مذکور اداره نینگ سعی و حرکتی نی کورستهدی.
