بوگون «چهارشنبه» 1397- ییل، 1- حمل، بلخ ولایتیده نوروز کونیدن نشانلش مراسم ده یشاوچیلر حضوریده سوزگه چیققن عطامحمد نور، اهالی گه نوروزنی قوتلوغلب و اهالی‌دن حمایت قیلگن‌لری اوچون منتدارلیک بیلدیریب ایتیشیچه، ارگ و جمعیت حزبی آره‌سیده‌گی کیلیشوونی خوش قرشی‌لیدی. جناب نورگه کوره، اوشبو کیلیشوو معلوماتی تیزلیک‌ده اعلان ایتیله‌دی.
بونگه قوشیمچه، جناب نورنینگ بیانات‌لری باشقه موضوعلر بیلن هم بیرگه ایدی؛ او، اویغونلیک خصوصیده، جمهور رییس و جمعیت رهبرلری‌نینگ سعی و حرکت‌لریدن قدردانلیک بیلدیریب و جمهور رییس غنی دن جمهورلیک ریاستی بیرینچی اورین باسری بیلن کیلیشیب و او مملکت گه قیتیشی اوچون زمینه یره‌تیشی‌نی سوره‌دی.
شونینگ‌دیک، عطامحمد نور قندهار ولایتی‌نینگ امنیه قومندانی جنرال رازق مقامی‌ده قالیشی و ارگ بیلن قوتقریش بیرلشیک رهبرلری کیلیشیش‌لرینی طلب قیلدی.
بوندن باشقه، جناب نورنینگ ایتیشیچه: «دولت چوکی‌سی وقتینچه‌لیک بولیشی ممکن» و شونینگ‌دیک، بلخ ولایتی گه کیله‌دیگن حاکم اونینگ ایشلرینی قیلیشی‌نی بیلدیردی: «بیراق اساسی سوز قدرت و کوچلی بیرلشیک بیلن سونگی سیلاوگه تامان یول آلیش دیر.»
جناب نور، سوزلرینی سونگی‌ده ساغلیک، اورگه‌تیش، قیته قوریش، مخدره ماده و ترورچیلیک‌که قرشی کوره‌ش، کانلرنی قازیب چیقاریش و باشقه رواجلنتیریش مسئله‌لر توغریسیده بلخ ولایتی‌نینگ بیر ییل‌لیک گزارشی‌نی ارایه ایتیب و بو مسئله‌لر توغریسیده بلخ ولایتیده اوتگن بیر ییل‌ده 53 میلیون دالر صرف ایتیلگنیدن خبر بیردی.
بوندن سونگ، جمهورلیک ریاستی‌نینگ ایکینچی اورین باسری سرور دانش، جمهور رییس و اجراییه باشلیغی نماینده‌لیگی دن کیلیشیش خصوصیده، جناب نورنینگ سعی و حرکت‌لریدن قدردانلیک بیلدیریب و سیاستچی‌لر و اهالی‌نی بیرلیک و بیردملیک‌که چقیردی. جناب دانش‌نینگ ایتیشیچه، بوگون افغانستانده بیری قومیت‌دن سوزله‌یدی و باشقه بیری مذهب‌دن. لیکن؛ ایس دن چیقاریلگن نرسه بو اولکه‌نینگ رنجور تَنی و اهالی آره‌سیده ضرورت بولگن بیردملیک دیر.
ارگ بیلن جمعیت آره‌سیده‌گی کیلیشوودن جناب نورنینگ خوش قرشی‌لش موضوعی نیچه آیدن سونگ، ایکی تامان آره‌سیده کیلیشوو یوز بیرگن موضوعی اوتگن کون معلوم بولگن بیرچاغده اعلان ایتیله دی.
باشقه تاماندن، مملکت جمهور رییسی محمد اشرف غنی، جمهورلیک سرایی ده ایری شکلده نوروز بیره‌مینی نشانلب و ینگی ییل باشله‌نیشی‌نی اهالی گه قوتلوغلب ایتیشیچه، 1397- ییل‌ده افغانستان حکومتی اوچ اساسی موضوع اوستیگه ایش قیله‌دی و بو موضوعلر «سیلاو، تینچلیک و اصلاحات‌دن عبارت.»
جناب غنی‌نینگ ایتیشیچه، قدرت اهالی فعاللیگی و اشتراکی‌دن باشلنه‌دی. بونگه اساس، او تنیق سیلاو یولگه قوییلیشی توغریسیده اهالی گه سوز بیردی.
جمهور رییس نینگ ایتیشیچه، اوروش بیزلرنینگ حیاتیمیزنی چالگن. شو یوزه‌دن، بیزلرنینگ تینچلیگیمیز عزتلی و هر تامانلمه بولیشی ممکن و باشقه‌لرنی اوروش گه چقیرگن‌لر ایسه اهالی‌نینگ کیسکین اراده‌سیگه روپه‌ره بوله‌دی.
