سلاموطندار: لویه جرگهدن کیین بیزلر مذکور جرگه کمیتهلری نینگ رئیسلری بیلن صحبت اوتکزدیک و اولر تینچلیک کیلگن صورتده، بیزلر محبوسلر قوییب یوباریلیشی توغریسیده هیچبیر قیینچیلیگیمیز یوق دیدیلر.
بو توغریده توشونچهنگیز نیمه دی، تینچلیک کیلیشی تضمین بولگن می؟
دیکر: نهایتده حیاتنی تضمین قیلیب بولمهیدی، شوندهی بیر حالده هم افغانستان حکومتی قولیدن کیلگن ایشنی بجرگن. افغانستان حکومتی تینچلیک پروسهسیده اوز تیارگرلیگینی بیلدیریش اوچون بو پروسهده اهالینی قتنشتیردی و محبوسلر قوییب یوباریلیشی خصوصیده قیین و کتته بیر قرارنی آلدی.
بیزلر بو حقده هردایم افغانستان حکومتی بیلن سوزلشگنمیز. شو یوزهدن کوپینچه ایشلر عملگه آشیریلگن دیب توشونهمن و تینچلیک پروسهسی کوپ آلغه بارگن. اگر ۲۹- فبروری کیم بیز او کونده افغانستان حکومتی بیلن قوشمه بیر اعلامیه صادر قیلدیک و آمریکا بیلن طالبان نینگ کیلیشوونامهسی نهایی بولدی کیم بولرنینگ نظرگه آلسنگیز، افغانستان حکومتی ایشانچ یرهتیش اوچون ۵ مینگ محبوس نی قوییب یوبارگن و افغانستانلیکلرارا سوزلشوولر اوچون مذاکره قیلووچی تیم تشکیل بولگن. بو اَدیملرگه قرهگنده بو نتیجهگه ییتیشهمیز کیم، تینچلیک سوزلشوولری باشلنهدی.
سلاموطندار: ۲۰۱۴- ییل نینگ جنجللی سیلاوی کیم ۲۰۱۹- ییلده هم تکرار بولدی، افغانستان سیاسی خوفسیزلیگینی قیینچلیککه روپهرو قیلدی. وزیرلر و شونینگدیک، مذاکره قیلهدیگن تیم اعضالرینی تنلهش اشرف غنی و عبدالله عبدالله آرهسیده کوپینچه قرمهقرشیلیکلر چیقارگن. بو ایش نینگ قنچهلیک سلبی تأثیری بار و آمریکا بو موضوعلرنی حل قیلیش اوچون نیمه نقش اوینهیدی؟
دیکر: مین نیچه ییل افغانستانگه یشهدیم، بو مملکت نینگ جنوب و شرق مملکتلریده سفر قیلدیم و اوشبو مملکت نینگ شهر و قیشلاقلرینی کورگنمن.
افغانستان یشاوچیلری آرهسیده فرقلرنینگ اوستیگه کوپینچه بحث بولهدی، بیراق اولر بیرلیک و بیردملیک خصوصیده بولگن نیرسهلرنینگ اوستیگه بحث قیلمهیدی و مینینگ ایشانچیمگه کوره، بو ایشلر ترقیات تامان کیتهدیگن بیر مملکت اوچون کتته بیر قیینچیلیک دیر. چونکه بو قرمهقرشیلیکلر طالبلرنینگ فایدهسیگه تمام بولهدی.
افغانستان فرهنگی و قومی نقطهی نظردن، بای و فرقلی بیر مملکت دیر و توشونچهلر کوپ فرقلی بولگن حالده بیرلیکنی قیینچیلیککه دوچ قیلهدی. یشاوچیلر بیرلیک و تینچلیککه ایریشیش اوچون، افغانستان دموکرات و ایرکین بیر مملکت صفتیده سقلهنیشی کیرهک.
جمهوررئیس غنی، داکتر عبدالله و مملکت سابق جمهور رئیسی حامد کرزی و شونینگدیک، باشقه سیاسی رهبرلر واحد توشونچهلرینی اورتهگه قوییشلری توغریسیده امیدوارمن.
بو توشونچهلر افغانستان نینگ کوچلی و بای قیلهدیگن توشونچهلری بولیشی کیرهک، نه مملکت نینگ بوزهدیگن یا-ده قرشی تامان نینگ فایدهسیگه بولهدیگن توشونچه.
بیزلر حکومت و داکتر عبدالله عبدالله بیلن صحبت اوتکزدیک و شونینگدیک، مملکت نینگ باشقه گروهلری بیلن هم. بیزلر ۱۵ ییل آلدین کبی افغانستان اهالیسی نینگ تانیمیمیز و حاضر افغانستان نینگ توغریسیده معلوماتمیز کوپ بولگن. جمهور رئیس و داکتر عبدالله دن صحبت بولگنده اولر، بو مملکت نینگ رهبرلری و تجربهلی خادملری دیر و بو ایکاولری سوزلشلری حقیده امیدوارمن. آمریکا اوشبو ایکی رهبر و اولرنینگ طرفدارلری آرقهلی جمهوریتنی سقلهش اوچون صورت تاپهدیگن فعالیتلردن حمایت قیلیشیگه ایشانچیم کامل.
سلاموطندار: فرانسه و استرالیا طالبان محبوسلریدن بیرقطارینی آزاد قیلینیشیدن خواطر بیلدیرگن، چونکه اوشبو محبوسلر مذکور مملکتلرنینگ عسکرلرینی اولدیریلیشیگه دخیل ایکنلر. آمریکا بوتوغریده متحدلری بیلن مصلحت قیلگن می؟
دیکر: بوموضوع مین دیپلمات صفتیده 30 ییللیک فعالیتم جریانیده بحث قیلگن قیین موضوع لردن بیری دیر. فرانسه و استرالیا یالغیز محبوسلرنینگ آزاد قیلینیشی خصوصیده خواطر بیلدیرمهگن، بلکیم بوتون محبوسلرنینگ قوییب یوباریلیشی و هر بیرینینگ قوییب یوباریلیشی قیین قرار دیر.
محبوسلردن هر بیری عایلهلرنینگ قیغوگه سالگن، واقعیت بو دیر کیم سیزلر دوستلرینگیز بیلن صلح قیلمهی سیزلر، انهشو سبب، ایشانچ کیلتیریش و تینچلیککه تیارگرلیک کورسهتیش اوچون افغانستان حکومتی قیین قرار قیلگن.
سلاموطندار: افغانستانده بیرقطار حلقهلر تینچلیکنی آمریکا سیلاوی اوچون بیر پروژه عنوان قیلهدیلر. نیمه توشینهسیز، اولر نیمه اوچون بوندهی توشینهدی و سیز بو خواطر خصوصیده نیمه دیسیز؟
دیکر: جمهور رئیس ترامپ ایکی ییل آلدین جنوب آسیا خصوصیده بولگن برنامهسینی اعلان قیلگن ایدی و 20 ییل جریانیده بیرینچی مرته بیللی بولدی کیم افغانستان قیینچیلیگی حربی یول بیلن حل بولمهیدی و زوروانلیکلرنی یکونلنتیریش اوچون سیاسی یول بیلن آلغه باریش کیرهک و افغانستان اهالیسینی بو موضوع دن حمایت بیلدیریشلری کیرهک. اوشبو برنامهنی عملگه آشیریش اوچون جنوب آسیا استراتژیسی بیزگه احساس بیر دی و انهشو سبب، آمریکا و طالبان آرهسیده سوزلشوولر باشلندی، بیراق سوزلشوولر باشلنیشی اوچون بو یالغیز بیر عوامل ایدی. آمریکا تروریسمگه قرشی کورهشیش اوچون نیاز بولگن ضمانتنی طالبان تامانیدن قولگه کیلتیردی و اولر هم افغانستانده بولگن چیتایللیک کوچرنینگ کمهیتیریلیشینی ایستهدیلر، قیینچیلیکلر یکونلهنیشی اوچون سیاسی حل یول و افغانستان حکومتی بیلن یوزمهیوز سوزلشوولر سیلندی. آمریکا سیلاوی جاری ییلده یولگه قوییلهدی و بیلهمن بیرقطار حلقهلر تینچلیک سوزلشوولرنی آمریکا سیلاویگه ارتباط بیرهدی، بیراق اوشبو سوزلشوولر کوپ وقت آلدین باشلنگن ایدی. انهشو سبب، بیزیم تینچلیک سوزلشوولرده قوشیلیشی میز نی آمریکا سیاسی خواطری بیلن ارتباطی یوق، بلکیم افغانستان یشاوچیلری نینگ اوروش و زوروانلیککه نقطه قویلیشی خصوصیده بولگن ایستکلریگه جواب قیتهریش دیر.
سلاموطندار: تینچلیک سوزلشوولر طالبان قانونی نینگ قیته کیلیشیگه سبب بولیشی خصوصیده عیاللر خواطر بیلدیرهدی، عیاللر حقوقلریدن محروم قیلینیشی و اولرنینگ 18 ییللیک یوتوقلرینی زیان کوریش احتمالی موجود می؟
دیکر: پردهنی آرقهسیده باشقه واقعه یوز بیرمهیشیگه ایشانچیلی بولیشیمیز اوچون بو سوراق نی هرکون سورهلیشی کیرهک. عیاللرنینگ نیچه ییللیک یوتوقلرینی آرتده قالدیریشینی توشینمهیمن، چونکه کیلهجک ییللرده هم افغانستانی خلق ارا یاردملریگه نیازی بار و اوشبو یاردملرنی عیاللر حقوقلری ایاق آستیگه قالمهیشیگه مشروط بولیشی ممکن. آمریکا قوشمه ایالاتی اوتگن 20 ییل جریانیده عیاللر حقوقلری خصوصیده کوپینچه سرمایه یاتقیزگن و اوشبو لایحه توختهتیلیشینی ایستمهیدی.
سلاموطندار: جمهور رئیس غنی هردایم یخشی حکومتدارلیک و فسادگه قرشی کورهشیشی خصوصیده صحبت قیلگن، گرچند اوتگن ییللرده یقینلریدن بیرقطاری اینقسه مالیه وزیری و یقین مصلحتچیلری فسادگه دخیل ایدیلر و بو موضوع امریکانینگ یاردملری توختهتیلیشیگه سبب بولدی. آیا آمریکا فسادگه قرشی کورهشیش دن راضی می؟
دیکر: فساد گه قرشی کورهشیش اوچون کوپراق فعالیت قیلیش کیرهک. مین هردایم افغانستان مقاملری، مدنی فعاللر و اهالیگه طالبان انسانلرنی اولدیرهدی دیگنمن، بیراق فساد بوتون مملکتنی نابود قیلهدی. بیز فساد گه قرشی کورهشیش اوچون افغانستان حکومتی بیلن آچیق شکلده صحبت قیلگنمیز. حکومتنی فساد گه قرشی کورهشیش خصوصیده گزارش بیریشی کیرهک. اوتگن هفته جنرال پیکان نینگ قولگه آلینیش فرمانی صادر قیلینیشیدن خرسند من و سابق فوتبال فدراسیونی باشلیغی کرامالدین کریم نینگ قولگه آلینیشیدن امیدوارمن و بو فساد گه قرشی کورهشیشنی کورستهدی. فساد گه قرشی کورهشیش یالغیر آمریکا نینگ ایستهگی ایمس، بلکیم افغانستانگه یاردم بیرهدیگن بوتون مملکتلر فساد گه قرشی کورهشیشنی ایستهگن. آمریکا اوتگن ایکی دهه ده افغانستانده کوپلب مالی یاردم بیرگن و بو پولدن بیر بولیمی حیفومیل قیلینگن؛ گرچند مذکور مدتده آمریکا هم بیرقطار خطالرنی انجام بیرگن.
سلاموطندار: سیز آمریکا ایلچیخانهسی نینگ اورین باسری صفتیده اوچ ییلنی افغانستانده اوتکزدینگیز، افغانستان خصوصیده نیمه دیسیز؟
دیکر: افغانستان عجایب بیر مملکت، چونکه اهالیسی عجایب. افغانستان نینگ بیر بولیمی آمریکا غربی منطقهلریده آخشهیدی و مین هم مذکور منطقهگه عاید من و انهشو سبب، افغانستانده قالیشم اویده قالیشیمنی ایسیمگه کیلتیرهدی، بیراق افغانستان عیاللریدن آلگن الهام مینی قیتهدن اوشبو مملکتگه قیتیب کیلیشیمگه سبب بولدی؛ اوشبو مملکتده صناعتچی عیاللر مملکت نینگ اقتصادی یخشیلنیشی اوچون سعی و حرکت قیلهدی و حربی کوچلر مملکتلریدن دفاع قیلیش یولیده قربان بولهدیلر.
سلاموطندار: آمریکا ایلچیخانهسیده سیزنی اورنیگیزگه کیلهدیگن کیشیگه نمیه توصیه قیلهسیز؟
دیکر: افغانستان و آمریکا نینگ بیرقطار مواردلرگه قوشمه فکرلری بار و مذکور فکرلرگه قول تاپیش اوچون ایکی تامانلمه یاردمگه نیاز. مینی اورنیمگه کیلهدیگن کیشیگه توصیهام شو دیر کیم، افغانستان بوتون منطقهلریده باریب اهالی بیلن صحبت اوتکزسین و یالغیز کابل گه اکتفا قیلمهسین، اولرگه قولاق سالسین و اولر خصوصیده بولگن مقصدی میزنی اثبات قیلسین. بیرگون عایلهم بیلن سیاحتچی صفتیده افغانستان اینقسه بندامیرگه کیلیشنی ایستهیمن.
