پاکستان باش وزیری شاهد خاقان کابلگه قیلگن سفریدن بیرکون اوتگنیدن سونگ، نمایندهلر کینگشینینگ عمومی ییغینیده، نمایندهلر بو سفر توغریسیده عکسالعمل بیلدیرگنلر.
نمایندهلر کینگشینینگ قطار اعضالری، پاکستان نینگ افغانستان برابریدهگی سیاستینی مکارلیک دیب و جمهور رییس دن بو خصوصده دقت قیلیشینی سورهگنلر.
نمایندهلرکینگشینینگ باشقه بیرقطار اعضالرینینگ ایتیشیچه، پاکستان باش وزیری، افغانستان مقاملری بیلن اوچرهشگنیده دیورند چیزیغینی یاپیق شکلده رسمیتگه تانیگن.
مجلس عضالری، پاکستان حربیلری نینگ کنر تپراغیده راکت اوقی آتیشی خصوصیده اشاره قیلیب و بو ایش پاکستاننینگ ابتکاری توغریسیده کابل و اسلامآباد مقاملری آرهسیدهگی سوزلشوولر نتیجهسیزلیگی اوچون صورت تاپکن دیب ایتهدیلر.
بیراق، نمایندهلر کینگشینینگ باشلیغی عبدالرووف ابراهیمی، پاکستان حربیلری کنر توپراغیده راکت اوقی آتیش بیلن افغانستاننینگ ملی حاکمیتینی نقض قیلهدی دییدی.
نمایندهلر کینگشینینگ عضالری، حکومتدن پاکستان مقاملری بیلن بولهدیگن سوزلشووده طالبان و داعش گروهی گه قرشی کورهش خصوصیده، جدی بحث قیلیشینی سورهیدی. بیراق، نمایندهلر کینگشی باشلیغینینگ ایتیشیچه، شوندهی ییغینلر نیچه مرته افغانستان و پاکستان مقاملرینینگ آرهسیده یولگه قوییلگن و حاضرگچه قانیقرلی نتیجه بیرمهگن.
