طالب‌لر تامانیدن ننگرهار ولایتی‌نینگ پولیس قومندانلیگی‌گه اویوشتیریلگن هجوم تورت ساعت دوام ایتیب، بیش هجومچی‌نی هلاک ایتیلیشی بیلن یکونلندی.
ننگرهار پولیس باشلیغی پاسوال فضل احمد شیرزادنینگ دوشنبه کونگی جلال‌آباد شهریده اوتکزیلگن خبری ییغین‌ده ایتیشیچه، مذکور هجوم‌ده آلتی خودکش هجومچی اشتراک ایتکن ایکن.
جناب شیرزاد گه کوره، بیرینچیدن ایکی خودکش هجومچی پارتلاوچی ماده جایلشتیریلگن موترینی ننگرهار ولایتی‌نینگ پولیس قومندانلیگی اونگیده پارتله‌تگن، اوندن کیین باشقه تورت هجومچی قومندانلیک ایچی‌گه کیریب امنیتی کوچلر بیلن توقنه‌شگن.
ننگرهار پولیس باشلیغی‌نینگ کوپه‌یتیریشیچه، امنیتی کوچلرقرشی کوره‌شیش نتیجه‌سیده، اوچ هجومچی هلاک ایتیلیب و باشقه بیرته‌سی امنیتی کوچلر تامانیدن توتقونگه آلینگن.
جناب شیرزاد‌گه کوره، مذکور هجوم نتیجه‌سیده بیر تینچ اهالی و 9 پولیس تن جراحت آلگن و یره‌لنگن پولیس‌لردن بیری‌نی احوالی آغیر بیلدیریلگن.
طالب‌لر میدیالرگه پیام یوباریب اوشبو هجوم مسؤولیتی‌نی بوینیگه آلگن، بیراق تلفات توغری‌سیده معلومات بیرمه‌گن.
