افغانستان اخبارات و مدنیت وزیرلیگی نینگ بیلدیریشیچه، مملکت تَنیقلی صورتچی‌سی نجیب الله مسافر دوسیه‌سی تیکشیریش اوچون هیاًت تعین ایتیلگن.
وزیرلیک نینگ سرپرتی سید مصدق خلیل نینگ سلام وطندارگه بیلدیریشیچه، هیاًت نینگ وظیفه‌سی مسافر گه عاید تورمه حکمی‌نی تیکشیره‌دی.
جناب خلیل، نجیب الله مسافر پل‌چرخی تورمه‌سیده قمه‌لیش‌گه سزاوار خطا گه قول اورمه گن لیگی‌نی ایتگن.
بوندن نیچه وقت ایلگری، کابل عالی محکمه‌سی نجیب الله مسافرنی آلتی آی آزادلیک‌دن محروم قیلدی. اونینگ محکوم بولیشی‌گه 1385- ییلده قیزلر رژه سی جریانیدن صورت آلگن لیگی سبب بولگن. جناب مسافر، اوشبو صورت‌لرنی قیسی بیر پرودکشن‌گه بیرگن لیک‌ده عیب لنگن.
جناب مسافر، اوتگن هفته چهار شبنه کونی حوت آیی نینگ 6- سیده حبس مدتینی اوتَش اوچون پل‌چرغی تورمه سیگه یوباریلگن.
مسافرگه جنجال توغدیرگن صورتده ایکّی قیز بسکتبال توپ لوگوسینی کوتارگن حالده کوزه تیله‌دی. اوشبو صورت پرودکشن‌گه بیریلیشی بیلن، مذکور لوگو اورنیگه اتصالات مخابرات شرکتی نینگ لوگوسی یاپشیتیره یله‌دی.
ییتی ییل اوتگن‌دن سونگ اوشبو صورت‌ده‌گی قیز نینگ عایله‌سی دولت‌گه شکایت قیله‌دی. نهایت‌ده اوشبو شکایت قضایی اداره گه تارتیلیب، جناب مسافر آلتی آی آزادلیک‌دن محروم ایتیلیشی باره‌سی‌ده محکمه قرار آله‌دی.
چشم سوم فوتوژورنالیزم بولیمی نینگ مدیری رضایمک نینگ سلام وطندارگه بیلدیریشیچه، جناب مسافر اوشبو صورت‌نی بیر پرودکشن‌گه ساتگن، مذکور پرودکشن بو صورت‌گه ایریم اوزگریش‌لر کیریتیش بیلن اتصالات مخابرات شرکتی‌گه ساتگن.
یمک نینگ سوزلریگه کوره، اوشبو صورت‌گه اوزگریش کیریتیلیش بیلن 1388- ییلده‌گی مساله اوچون جناب مسافردن شکایت قیلگن و نجیب الله مسافر ایسه مذکور شکایت اوچون 20 افغانی جریمه توله‌گن.
یمک، مذکور صورت‌گه اوزگریش کیلتیریب قول اورگن پرودکشن قانونی تحقیق له‌نیشی باره‌سی‌ده تاکیدله گن.
(نی) یا افغانستان آزاد مدیانی کوزه تووچی اداره رییسی صدیق الله توحیدی هم جناب مسافر دوسیه‌سی قضایی اداره آرقه‌لی تیکشیریلگن لیگی ناقص بولگن‌لیگی‌نی تیلگه آلگن.
توحیدی نینگ سلاو وطندارگه ایتیشیچه، صورت‌گه اوزگریش کیلتیرگن پردوکشن اورنیگه ناقانوی شکلده صورتچی حبس‌گه آلینگن.
نجیب الله مسافرنی حبس‌گه آلینیشی عاموی اخبارات واسطه‌لری همده اجتماعی ترماق‌لرده جدی عکس العمللرگه روپه ره بولدی.
مملکت تَنیقلی صورتچیلریدن بیری مسعود حسینی‌گه کوره، نجیب الله مسافرنی آلتی آی آزادلیک‌دن محروم ایتیلیشی مملکت ده هنر وصنعت‌گه بها بیرمس‌لیک دیر.
او، بونده‌ی مساله‌لر اوچون افغانستان اخبارات و مدنیت وزیرلیگی بی فرق قالمس لیگی‌نی بیلدیرگن.
مسافر، محکمه تامانی‌دن آزادلیک‌دن محروم ایتیلیشی مملکت بویلب بو ساحه‌ده فعالیت قیله دیگن‌لرنی خواطری‌گه سبب بولگن.
